ជីវិតកម្សាន្ដ

មាស នីតាឆ្លើយបែបណាក្រោយផ្ទុះការវែកញែករឿងស្និទ្ធស្នាលរហូតនាយ ចឺម ហ៊ានថើប

បានផុស

២ years មុន

នៅ

ថ្ងៃអាទិត្យ ២៧ វិច្ឆិកា ២០២២

ដោយ

ថ្មីៗនេះមានការចាប់អារម្មណ៍ និងភ្ញាក់ផ្អើលពេញបណ្តាញសង្គមហ្វេសប៊ុក និង Tik Tok បន្ទាប់ពីឃើញសកម្មភាពស្និទ្ធសាលរវាងតារាចម្រៀងប្រុស-ស្រីវ័យក្មេងល្បីឈ្មោះគឺនាយ ចឺម និងកញ្ញា ពៅ ស្រីមាស ហៅ មាស នីតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះរឿងដែលធ្វើឲ្យគេកត់សម្គាល់ទៀតគឺអំឡុងពេលនេះក៏មានការចែករំលែកនូវវីដេអូថ្មីដោយបង្ហាញពីសកម្មភាពរបស់តារាប្រុសនាយ ចឺម ហ៊ា នថើបតារាស្រី មាស នីតា នៅក្នុងចំណោមមនុស្សទៀតផង។ ដោយសារតែហេតុផលនេះហើយទើបផ្ទុះការវែកញែកដោយខ្លះដាក់ការសង្ស័យលើទំនាក់ទំនងរបស់អ្នកទាំងពីរទៀតផង។

ជាក់ស្តែងក៏មានការចោទជាសំណួរដែរថា «តើ មាស នីតា ត្រូវជាអ្វីនឹងនាយ ចឺម បានជាអោយគេថើបស្រួលៗម្ល៉េះ? នរណាដឹងប្រាប់ផងបានអត់»?។ ភ្លាមៗនោះក៏មានការបញ្ចេញមតិផ្សេងៗគ្នាជុំវិញរឿងរ៉ាវនេះខណៈមានខ្លះលើកឡើងថា «ស្គាល់ idol ចឺម តិចពេកហើយអូន» រីឯខ្លះទៀតថា «កុំទាន់អាលថាអោយពួកគាត់អី ជូនកាលនាយ ចឺម និង មាស នីតា ពួកគេទាំងពីរនាក់អាចមានទំនាក់ទំនងលើសពីនឹងផងក៏ថាបានដែរ ហើយក៏សង្ឃឹមថា អ្នកទាំងពីរនឹងចេញមុខមកបកស្រាយអោយគ្រប់គ្នាបានដឹងផងចុះចំពោះរឿងដែលបានកើតឡើងនេះ»។

ពាក់ព័ន្ធព័ត៌មានដ៏រសើបខាងលើនេះកម្ពុជាថ្មីបានធ្វើការទាក់ទងទៅតារាស្រី មាស នីតា ដើម្បីសួរនាំពីរឿងនេះដែរប៉ុន្តែត្រូវបានកញ្ញា មាស នីតា ឆ្លើយថា សកម្មភាពនេះគឺខ្លួនបានជួបនាយ ចឺម ដោយចៃដន្យក្នុងកម្មពិធីខួបកំណើតរបស់តារាស្រី អាង សុជាតា។ ដោយឡែករឿងអ្វីផ្សេងទៀតមិនត្រូវបានកញ្ញា មាស នីតាបញ្ជាក់ទេពោលគ្រាន់តែនិយាយថាទុកឲ្យមហាជន និងអ្នកគាំទ្រតាមដាន និងគិតយល់ដោយខ្លួនឯងចុះ។

តារាចម្រៀងរូបស្រស់ មាស នីតា បានបន្ថែមដោយខ្លីផងដែរថា កន្លងមកនាងធ្លាប់ជួបបញ្ហាយល់ច្រឡំបែបនេះជាច្រើនដងមកហើយដូចជា ការសង្ស័យមានទំនាក់ទំនងស្នេហាជាមួយបេក្ខជន ស៊ឹម ច័ន្ទពន្លឺ ទុំ សុវត្ថិ និងប្អូនប្រុសរបស់នាងជាដើម។ ហេតុនេះហើយទើបនាងមិនចង់បកស្រាយអ្វីទៀតឡើយ៕