តារារ៉េប Jay Park នឹងធ្វើជាពិធីករក្នុងកម្មវិធីតន្ត្រី Talk Show របស់ KBS នាពេលខាងមុខ

នៅថ្ងៃទី ២៨ ខែធ្នូ KBS បានប្រកាសថា “កម្មវិធីជជែកតន្ត្រីថ្មីរបស់ KBS ‘THE SEASONS’ នឹងចាប់ផ្តើមនៅក្នុងខែកុម្ភៈឆ្នាំក្រោយ ហើយតារារ៉េប Jay Park នឹងក្លាយជាពិធីករនៃរដូវកាលដំបូង” ។

‘THE SEASONS’ គឺជាកម្មវិធីជជែកកំសាន្តតន្ត្រីថ្មីមួយដែលបង្កើតឡើងដោយរបស់ KBS ដែលជាក្រុមហ៊ុនបង្កើតកម្មវិធីល្បីៗជាច្រើនដូចជា ‘Lee Sora’s Proposal’, ‘Love Letter’ របស់ Yoon Dohyun, ‘Lee Hana’s Peppermint’ និង ‘Yoo Heeyeol’s Sketchbook’។ ជាពិសេស ‘The Seasons’ នឹងក្លាយជាកម្មវិធីជជែកអំពីតន្ត្រី ពិធីករថ្មីនឹងស្វាគមន៍អ្នកទស្សនារៀងរាល់រដូវកាលផ្លាស់ប្តូរ ដោយផ្តល់នូវបទពិសោធន៍ប្លែកប្លែកពីគេ។

ក្នុងនោះពិធីករទីមួយនៃ ‘The Seasons’ ដែលស្វាគមន៍អ្នកទស្សនាក្នុងរដូវផ្ការីក ដោយជាតន្ត្រីករ/ ផលិតករ Jay Park នឹងក្លាយពិធីករនៅរដូវកាលទីមួយ។ ក្នុងនាមជាពិធីករដំបូងគេនៃកម្មវិធីថ្មី Jay Park នឹងប្រាស្រ័យទាក់ទងជាមួយភ្ញៀវកិត្តិយសជាច្រើន នឹងដឹកនាំការសន្ទនាចែករំលែកបទពិសោធន៍ពីភ្ញៀវកិត្តិយស។

យ៉ាងណាមិញ Jay Park នឹងបង្ហាញខ្លួនជាលើកដំបូងជាពិធីករទោលសម្រាប់កម្មវិធីជជែកកម្សាន្ត នៅប៉ុស្តិ៍ទូរទស្សន៍ នឹងពាំនាំតន្ត្រីជាច្រើនប្រភេទដែលមិនកំណត់ចំពោះប្រភេទមួយ ជាមួយរឿងរ៉ាវរបស់តន្ត្រីករដែលជាភ្ញៀវកិត្តិយសផងដែរ៕

ប្រែសម្រួល៖នាងតូច

ចុចអាន៖ត្រឹមរយៈពេល ១០ ថ្ងៃ រឿង Avatar វគ្គ ២ រកចំណូលបានរាប់លានដុល្លារឯណោះ