ត្រឹមរយៈពេល ១០ ថ្ងៃ រឿង Avatar វគ្គ ២ រកចំណូលបានរាប់លានដុល្លារឯណោះ

រឿង Avatar: The Way of Water ឫ Avatar វគ្គ២ បានក្លាយជាភាពយន្តដែលរកចំណូលបានខ្ពស់បំផុតទី ៥ ក្នុងឆ្នាំនេះ ដោយខ្សែភាពយន្តនេះបានរកចំណូលដល់ ៨៥៥ លានដុល្លារក្នុងរយៈពេលត្រឹមតែ ១០ ថ្ងៃប៉ុណ្ណោះ ។

យោងតាមប្រភពព័ត៌មានរបស់ Variety បានបញ្ជាក់ថា ភាពយន្តនេះបានរកប្រាក់ចំណូលជុំវិញពិភពលោកចំនួន ៨៥៥ លានដុល្លារ​ បន្ទាប់ពីការចេញផ្សាយត្រឹមតែ ១០ ថ្ងៃហើយនៅ Box Office អាមេរិកខាងជើងភាពយន្តនេះរកចំណូលបាន ២៥៣.៧ លានដុល្លារ និង ៦០០ លានដុល្លារនៅ Box Office អន្តរជាតិ។

ជាពិសេសនៅលើទីផ្សារអន្តរជាតិ “Avatar: The Way of Water” រកចំណូលបានច្រើនជាងគេក្នុង ប្រទេសចិនជាមួយ ១០០.៥ លានដុល្លារ។ បន្ទាប់មកគឺកូរ៉េខាងត្បូង ៥៣ លានដុល្លារ បារាំង ៥២.៣ លានដុល្លារ ឥណ្ឌា ៣៧ លានដុល្លារ និងអាល្លឺម៉ង់ ៣៥.៧ លានដុល្លារ។

យ៉ាងណាមិញ រឿងAvatar: The Way of Water ឫAvatar វគ្គ២ គឺជាភាពយន្តដែលទទួលបានការរំពឹងទុករកបានចំណូលច្រើនបំផុតក្នុងឆ្នាំ ២០២២ ហើយខ្សែភាពយន្តនេះត្រូវបានដឹកនាំដោយ លោកJames Cameron និងសហការផលិតដោយ 20th Century Studios៕

ប្រែសម្រួល៖នាងតូច

ចុចអាន៖Selena Gomez ទទួលស្គាល់ថា នាងមានបញ្ហាសុខភាព ពេលកំពុងសម្រកទម្ងន់