ជីវិតកម្សាន្ដ

ឈុតជក់បារីរបស់ Lim Ji Yeon ក្នុងរឿង “The Glory” កំពុងក្លាយជាប្រធានបទក្ដៅគគុកលើ អ៊ីនធឺណិត

បានផុស

១ ខែ មុន

នៅ

ថ្ងៃសុក្រ ៣ កុម្ភៈ ២០២៣

ដោយ

ឈុតជក់បារីរបស់តារាស្រី Lim Ji Yeon ក្នុងរឿង “The Glory” របស់ Netflix បានធ្វើឲ្យអ្នកនិយមលេងអ៊ីនធឺណិតមានចម្ងល់ថា តើតារាសម្ដែងរូបនេះពិតជាជក់បារីនៅទីនោះមែនទេ? ហើយពេលនេះ វាកំពុងក្លាយជាប្រធានបទក្ដៅជជែកគ្នាព្រាតលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

YouTuber និងអ្នកយកព័ត៌មានឈ្មោះ Lee Jin Ho ថ្មីៗនេះបានបង្ហោះវីដេអូខ្លីមួយសួរថា “តើឈុតជក់បារីរបស់ Lim Ji Yeon ពិតទេ?” សំណួរសំដៅលើដល់ឈុតជាច្រើនក្នុងរឿង ដែលតួស្រីតែងជក់បារីជានិច្ច។ បើតាមការរាយការណ៍របស់អ្នកយកព័ត៌មាន Lee Jin Ho បានបញ្ចាក់ថា ដោយសារតែមតិចម្រុះ ដូច្នេះលោកបានទាក់ទងទៅភ្នាក់ងាររបស់តារាស្រីរូបនេះ ដើម្បីសម្ភាសន៍ផ្ទាល់ ខណៈ Lim Ji Yeon កំពុងទទួលបានការសរសើរចំពោះការសម្ដែងរបស់នាងជាក្មេងទំនើងក្នុង K-drama “The Glory” ដែលមនុស្សជាច្រើនបានសួរថា តើឈុតជក់បារីពិតឬអត់? មានមតិផ្ទុយគ្នាក្នុងចំណោមអ្នកជក់បារី។ “ដូច្នេះ ទើបខ្ញុំបានបញ្ជាក់ការពិតទៅកាន់អ្នកស្គាល់គ្នារបស់ Lim Ji Yeon តែម្ដង”។

បើតាមលោក Lee Jin Ho និយាយថា តារាស្រីរូបនេះមិនចេះជក់បារីទេ ប៉ុន្តែចាប់ផ្តើមរៀនជក់បារីពេលសម្ដែងរឿងនេះ។ លោកបានបង្ហើបទៀតថា ដើម្បីធ្វើឲ្យឈុតនោះមើលទៅធម្មជាតិ និងកាន់តែដូចពិតៗ តារាសម្ដែង Lim Ji Yeon ពិតជាជក់បារីពិតៗ រហូតធ្វើឲ្យអ្នកយកព័ត៌មានបានសរសើរពីទឹកចិត្តរបស់ Lim Ji Yeon ក្នុងការសម្ដែងរឿងនេះ នាងពិតជាធ្វើបានល្អ ណិងហ៊ានលះបង់ដើម្បីឲ្យសាច់រឿងកាន់តែដូចទិដ្ឋភាពជាក់ស្ដែង។

ទន្ទឹមនឹងនោះ Lim Ji Yeon ដើរតួជា Park Yeon Jin ដែលជាជនល្មើសសំខាន់នៅក្នុងរឿងភាគដ៏ល្បី ‘The Glory’ ។ Park Yeon Jin គឺជាមនុស្សកំណាចដែលបានធ្វើទារុណកម្ម និងធ្វើបាប Moon Dong Eun (សម្តែងដោយ Song Hye Kyo) ដែលនាំឲ្យ Moon Dong Eun រៀបចំផែនការសងសឹកយ៉ាងល្អិតល្អន់អស់រយៈពេលជិតម្ភៃឆ្នាំមកហើយ៕