ជីវិតកម្សាន្ដ

តួឯកស្រីរឿង “ស្រីតូចចង្កៀងកែវ” បង្ហាញស្បែកមុខធម្មជាតិក្នុងវ័យ ៤៦ ឆ្នាំ ទទួលការសរសើរព្រាត

បានផុស

៣ years មុន

នៅ

ថ្ងៃចន្ទ ១៣ មីនា ២០២៣

ដោយ

តារាសម្ដែងស្រីនាទសវត្សឆ្នាំ៩០ Katreeya English បង្ហាញរូបភាពមួយសន្លឹកដោយមិនបានតុបតែងមុខធ្វើសក់ ប៉ុន្តែសម្រស់រៀមច្បងជើងចាស់រូបនេះ ទទួលការសរសើរយ៉ាងច្រើនពីសំណាក់អ្នកគាំទ្រទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះរូប Selfie លើបណ្ដាញសង្គម Instagram ផ្ទាល់ខ្លួន ដោយបង្ហាញមុខធម្មជាតិគ្មានការតុបតែង Katreeya English ទទួលការសរសើរលើសម្រស់នាងថា ស្អាតគ្មានកន្លែងទាស់ ត្បិតថាមិនបានតុបតែងខ្លួនដូចសព្វមួយដង តែនេះបង្ហាញថាសុខភាពស្បែករបស់នាងពិតជាស្អាតពីខាងក្នុងពិតៗ។ ក្រៅពីនោះ Katrina ក៏បានភ្ជាប់ Caption ប្រាប់ដើមកំណើតនៃការបង្ហោះនេះថា ខ្លួននាងផ្ទាល់ត្រូវបានបំផុសគំនិតដោយសិល្បករជាន់ខ្ពស់ Marsha Wattanapanich ថា “Kat ខំប្រឹងណាស់ទម្រាំមានថ្ងៃនេះ ត្រូវចូលគេងលឿន ហើយក្រោកពីព្រលឹមជារៀងរាល់ថ្ងៃ។ ដូច្នេះខ្ញុំបានត្រឡប់មកវិញហើយគិតថា បើ Kat មានមុខស្អាត តើនឹងទៅជាយ៉ាងណា? ត្រូវរកពេលមើលថែខ្លួនឯងខ្លះទៅ! កុំបន្តធ្វើការរហូតដល់អ្នកភ្លេចមើលថែខ្លួនឯង”។

យ៉ាងណាមិញ បន្ទាប់ពីការបង្ហោះនេះត្រូវបានចែករំលែក មានទាំងអ្នកគាំទ្រនិងអ្នកនិយមលេងអ៊ីនធឺណិត ចូលមកស៊ែរ និង comment សរសើរនាងថាស្អាតបែបធម្មជាតិ ស្អាតដោយមិនបាច់ផាត់មុខ ពិតជាស្រស់ស្អាតពិត ស្របពេលដែលមតិមួយចំនួនថា ទោះនាងមានអាយុ៤៦ឆ្នាំក្ដី តែសម្រស់មិនចាញ់អ្នកស្រករក្រោយគ្នាប៉ុន្មាននោះទេ។ លើសពីនេះ មហាជនជាច្រើនបានស្នើសុំគន្លឹះថែរក្សាខ្លួនឲ្យនៅតែស្រស់ស្អាត ស៊ិចស៊ី គ្រប់ពេលវេលាពីនាងផងដែរ។

សូមរម្លឹកដែរថា Katreeya English ចូលប្រឡូកក្នុងវិស័យនេះតាំងពីវ័យក្មេង រហូតដល់ក្លាយជាតារាស្រីរៀមច្បង មានទាំងសមត្ថភាពនិងទេពកោសល្យពេញលេញ ទាំងការច្រៀង រាំ សម្ដែង ហើយក៏ជាមនុស្សពូកែថែរាងនិងសម្រស់ខ្លាំងមិនធម្មតាដែរ។ នាងត្រូវបានទស្សនិកជនស្គាល់ច្បាស់បំផុតក្នុងរឿង “ស្រីតូចចង្កៀងកែវ” ហើយក៏ទទួលបានភាពល្បីល្បាញមកទល់ពេលនេះ៕