Nadech ទម្លាយប្រវត្តិសុំស្នេហ៍ Yaya ដំបូង សឹងមិនហ៊ានមើលមុខគ្នាចំ

តារាសម្ដែងប្រុស Nadech Kugimiya បានទម្លាយអារម្មណ៍ពិតដោយនិយាយពី​ប្រវត្តិស្នេហា​របស់លោកជាមួយគូស្នេហ៍ Yaya Urassaya ថា ទម្រាំមានថ្ងៃនេះ​ លោក​ជា​មនុស្ស​អៀន​ច្រើន ​និង​ពូកែ​ប្រចណ្ឌ​ខ្លាំង។

ក្នុងវគ្គពិសេសនៃកម្មវិធី Share Dolphin EP.100​ របស់លោក Nikki Nachat ដែលបានអញ្ជើញ Nadech ជាភ្ញៀវកិត្តិយស និងត្រូវនិយាយ​ប្រាប់ពីប្រវត្តិស្នេហារបស់លោក​ជាមួយ Yaya ពីរបៀបដែលពួកគេ​ចាប់ផ្តើម​ស្រលាញ់គ្នាដំបូង ខណៈមហាជនដឹងថាគូស្នេហ៍មួយនេះ ជួបនិងសម្ដែងភាពយន្តភាគជាមួយគ្នា​ក្នុងរឿង “Game Rai Game Rak”។

តារាសម្ដែង Nadech បាននិយាយថា ​ពេល​ថត​រឿង “Game Rai Game Rak ​ចប់​ហើយ​ ពួកយើង​មិន​បាន​ជួប​ គ្នាទេ ​ពេល​នោះ​ខ្ញុំ​បាន​ប្រើ​វិធី​សុំ​លេខ​អ្នក​រាល់​គ្នា រួមទាំងគាត់ ប៉ុន្តែ​មិន​ហ៊ាន​ផ្ញើសារ​ទេ ទាល់តែ​គាត់​ផ្ញើសារ​មក​ជូនពរ​ខ្ញុំ​រីករាយ​ថ្ងៃ​កំណើតខ្ញុំ។ ដូច្នេះ​យើង​បាន​បន្ត​និយាយគ្នា ​រហូត​ដល់​យើង​ស្រឡាញ់​គ្នា​អស់​រយៈពេល ១១ ឆ្នាំមកទល់ពេលនេះ។ យ៉ាងណាមិញពេលនោះខ្ញុំអៀនខ្លាំងណាស់ ព្រោះមិនសូវពូកែនិយាយដូចគេទើបធ្វើឲ្យទំនាក់ទំនងរៀងពិបាបន្តិច”។

លើសពីនេះ Nadech ក៏​បាន​និយាយបន្ថែមទៀតថា ​ខ្លួន​​ជា​មនុស្ស​ច្រណែន​មិន​ចូល​ចិត្ត​ឲ្យ Yaya និយាយ​ពី​សម្រស់​របស់អ្នកណានៅនឹងមុខខ្លួនទេ។​ ហើយលោកក៏ដឹងថា ធ្វើបែបនេះវាអាត្មានិយមណាស់ ដែលដាក់សំពាធបែបនេះដល់នាង ប៉ុន្តែបើជារឿងការងារគឺមិនថ្វីឡើយ តែ​បើ​មាន​អ្វី​ផ្សេង​ក្រៅ​ពី​ការងារ លោកមិន​ចូល​ចិត្ត​ឲ្យគូស្នេហ៍ខ្លួនរម្លឹកពីនរណាឬសរសើរអ្នកណានោះទេ៕

ប្រែសម្រួល៖ សាង ស្រីល័ក្ខ

ចុចអាន៖Aum បង្ហាញមុខធម្មជាតិមិនតុបតែង ក្នុងវ័យ ៤៤ ឆ្នាំ

ចុចអាន៖ឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ