Son Ye Jin បង្ហាញទម្លាប់ពេលព្រឹកខុសពីមុនឆ្ងាយ ក្រោយមានកូនប្រុសដំបូង

ទស្សនិកជនជាច្រើនដឹងហើយថា តារាសម្តែង Son Ye Jin រៀបការជាមួយ Hyun Bin កាល​ពី​ខែ​មីនា ក្រោយ​មកនាង​សម្រាល​បាន​កូនប្រុសលើក​ដំបូងក្នុងជីវិត និងទទួលការអបអរសាទរយ៉ាងកក់ក្តៅពីសំណាក់អ្នកគាំទ្រទូទាំងពិភពលោកផងដែរ។

នៅពេលដែលកូនប្រុសសម្រាលរួច Son Ye Jin ​បាន​និយាយអារម្មណ៍ពិត​ថា “ខ្ញុំ​មាន​ការ​ព្រួយ​បារម្ភ​ព្រោះ​ទារក​កើត​លឿន​ជាង​ការ​រំពឹង​ទុក។ ប៉ុន្តែ​សំណាង​ល្អ​ដែល​ខ្ញុំ​អាច​សម្រាល​បាន​តាម​ធម្មជាតិ។ ការសម្រាលកូនដោយជោគជ័យ ធ្វើឲ្យខ្ញុំមានអារម្មណ៍ថា ទីបំផុតខ្ញុំក្លាយជាម្ដាយគេហើយ! សូមអរគុណដល់កូនប្រុសរបស់ខ្ញុំ ដែលបានយកជំហានទាំងអស់នេះជាមួយខ្ញុំ ហើយក្លាយជាចំណែកមួយ ពីមួយថ្ងៃទៅមួយថ្ងៃ”។

យ៉ាងណាមិញកាលពីថ្ងៃទី ០២ ខែមេសា Son Ye Jin បានចែករំលែករូបថតនៃ​ជីវិតប្រចាំថ្ងៃរបស់​នាង តាមរយៈ​គណនី SNS ផ្ទាល់ខ្លួន​​ជាមួយ​នឹង​ចំណងជើង​ថា”នៅនិទាឃរដូវ ការពិនិត្យ​មើល​ធូលី​នៅ​ពេល​ព្រឹក​បន្ទាប់ពី​ភ្ញាក់​ពី​គេង​ បាន​ក្លាយ​ជា​ទម្លាប់​របស់ខ្ញុំ”។ រូបភាពដែលបានចេញផ្សាយបង្ហាញពីផ្កាដ៏ស្រស់ស្អាតមួយចាំងនៅកន្លែងដែលមើលទៅដូចជាផ្ទះរបស់នាង ហើយវាក៏បានទាក់ទាញចំណាប់អារម្មណ៍របស់អ្នកគាំទ្រជាច្រើន។ តារាស្រីរូបនេះបានបន្ថែមថា “នៅតែជារដូវផ្ការីក! ដូច្នេះខ្ញុំសង្ឃឹមថាថ្ងៃរបស់អ្នកគឺពេញលេញ ដូចជាផ្កា cherry “។

សូមបញ្ចាក់ដែរថា តារាសម្ដែង Hyun Bin ជាស្វាមី បច្ចុប្បន្នកំពុងថតរឿង “Harbin” ខណៈពេលដែល Son Ye Jin ជាភរិយាកំពុងផ្តោតលើការមើលថែកូនប្រុសរបស់នាង និងសម្រាកក្រោយពេលសម្រាលកូន។ ត្បិតថាប៉ុន្មានថ្ងៃមុនធ្លាយដំណឹងថាគូស្នេហ៍មួយនេះលែងលះគ្នាក្ដី ប៉ុន្តែពួកគេបានចេញមុខបកស្រាយដាក់ពាក្យបណ្ដឹងធ្ងន់​ ទៅកាន់អ្នកបង្កើតពាក្យចចាមអារ៉ាមក្លែងក្លាយ៕

ប្រែសម្រួល៖ សាង ស្រីល័ក្ខ

ចុចអាន៖១៤ ឆ្នាំកន្លងទៅ តួប្អូនប្រុសក្នុងរឿង F4 កូរ៉េ ដូចមនុស្សពីរផ្សេងគ្នា

ចុចអាន៖គ្រាន់តែ Lisa កាន់បំពង់ហឺតហិតខ្លាចខ្យល់ ទស្សនិកជនសម្រុកទិញតាម រហូតដាច់ស្តុកត្រឹមមួយយប់