ជីវិតកម្សាន្ដ

Angelababy ត្រូវគេរិះគន់ថា សម្រស់នាងមិនសមនឹងពាក់សក់ទេ

បានផុស

៤ ខែ មុន

នៅ

ថ្ងៃសុក្រ ៣០ មិថុនា ២០២៣

ដោយ

កាលពីពេលថ្មីៗនេះ តារាចិន Angelababy ធ្វើឲ្យអ្នកគាំទ្រក្នុងបណ្តាញសង្គមជជែកវែកញែកជាមួយនឹងរូបរាងប្លែក នៅពេលនាងចូលរួមក្នុងព្រឹត្តិការណ៍ GQ Creative Inspiration Event នៅថ្ងៃទី២៨ ខែមិថុនា ឆ្នាំ២០១២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើកម្រាលព្រំក្រហម តារាស្រីរូបនេះបានស្លៀកឈុតដៃវែងពណ៌លឿង និងពាក់សក់ពណ៌លឿងដែលបញ្ចេញភាពឆើតឆាយពេញទាំងរាងកាយ។ ទោះជាយ៉ាងណាក៏ដោយ សក់ពាក់ពណ៌លឿងបានធ្វើឲ្យនាងបាត់បង់ពិន្ទុយ៉ាងធ្ងន់ធ្ងរបណ្ដាអ្នកគាំទ្រជាច្រើន។

មនុស្សជាច្រើនអះអាងថា សម្រស់របស់ Angelababy មិនស័ក្ដិសមនឹងសក់ពាក់ឡើយ ជាពិសេសសក់ពណ៌។ ក្រៅពីនេះ ប្រភេទសក់ដែលសម្រស់វ័យ ៣៤ ឆ្នាំជ្រើសរើសគឺរឹង និងខុសពីធម្មជាតិ។ មិនត្រឹមតែប៉ុណ្ណោះ ការតុបតែងខ្លួនរបស់នាង ក៏កាន់តែមានភាពស្លេកស្លាំង ពេលពាក់ម៉ូដសក់បែបនេះ។

ទោះយ៉ាងណាក៏ដោយ ក្នុងអាជីពកន្លងមក Angelababy ជាតារាស្រីធ្លាប់ពាក់សក់ច្រើនសម្រាប់គម្រោងរូបភាព។ ទោះបីជាអ្នកនិយមលេងអ៊ីនធឺណែតបានផ្តល់ការសរសើរជាច្រើនដល់តួឯកស្រីក្នុងរឿង “General and I” ប៉ុន្តែភាគច្រើននៅតែគិតថា Angelababy មានសក់ខ្មៅស្អាតបំផុត។ ជាពិសេសសម្រស់របស់ Angelababy ពេលសក់ខ្មៅនាងតំណាងឲ្យតារាម៉ូដែលស្រីអាស៊ីទន់ភ្លន់ គួរឲ្យស្រលាញ់ និងបរិសុទ្ធ។ ហើយបើនាងពាក់ពណ៌សម្រស់នាងត្រូវបានកាត់បន្ថយជាច្រើនដង បើប្រៀបធៀបទៅនឹងរូបរាងពិត៕