ហ្វាន់ ពីងពីង ស្លៀកឈុតគេងយប់ឡើងយន្តហោះ ខណៈកាបូបនិងកងដៃតម្លៃសុទ្ធតែលានដុល្លារ

តារាសម្ដែងចិន ហ្វាន់ ពីងពីង បានបង្ហាញខ្លួនក្នុងរថយន្តក្រុងនិងប្រលានយន្តហោះ ក្នុងសំលៀកបំពាក់គេងយប់ដ៏សាមញ្ញរលុងៗ ប៉ុន្តែឈុតរបស់នាងធ្វើឲ្យអ្នកលេងអ៊ីនធឺណិតជាច្រើនជជែកវ៉ែកញែកនិងសម្រុកឆែកតម្លៃព្រោងព្រាត។

រូបភាពរបស់ ហ្វាន់ ពីងពីង ​ត្រូវបានគេថតបានយ៉ាង​អាថ៌កំបាំង ពេលកំពុងធ្វើដំណើរ​តាម​ឡានក្រុង និងនៅ​ឯ​ប្រលានយន្តហោះ ខណៈតារា​ស្រី​រូបនេះស្លៀក​រ៉ូប​ពណ៌​ស ពាក់​អាវ​ក្រៅ​វែង​នៅ​ខាងក្រៅ ដើម្បី​បិទបាំង​រាងកាយ​របស់​​នាង​ផង​ដែរ។

ត្បិតថា​រូបភាព​សាមញ្ញ​មែន​ពិត ប៉ុន្តែភាពស្រស់ស្អាតរបស់ ហ្វាន់ ពីងពីង ពិតជាមិនអាចលាក់ភ្នែកទស្សនិកជនបានឡើយ។ បើទោះបីជាតារាស្រីរូបនេះបានបិទបាំងមុខដោយវ៉ែនតាខ្មៅ​​ ប៉ុន្តែនាងនៅតែបញ្ចេញភាពប្រណិត​ជាមួយ​នឹង​កាបូប​មួយ​ខ្សែ​របស់ Montaigne – Christian Dior ដែល​មាន​តម្លៃ​រហូត​ដល់​ទៅ ៣០០០ ដុល្លារ។ លើសពីនេះទៀត ក្រុម​អ្នក​គាំទ្រ Cbiz queen ក៏ឆែកតម្លៃកងដៃ​របស់​នាង​​​មាន​តម្លៃ​រហូត​ដល់៥៥១,៧២៣ដុល្លារឯណោះ។

មកទល់នឹងពេលនេះ តំណែងសម្រស់ដ៏អស្ចារ្យរបស់ ហ្វាន់ ពីងពីង តែងតែនៅក្នុងបេះដូងទស្សនិកជនចិន មិនដែលរង្គោះរង្គើឡើយ សូម្បីតែនាងត្រូវបានចាប់ខ្លួនក្នុងរឿងអាស្រូវ​បិងត្រូវហាមឃាត់ចេញសម្ដែងអស់រយៈពេល៥ឆ្នាំក្ដី។ បច្ចុប្បន្ននេះ នាងនៅតែប្រឹងប្រែងធ្វើការ ចូលរួមក្នុងព្រឹត្តិការណ៍ជាច្រើន ដោយចាប់ផ្តើមស្វែងរកគម្រោងថ្មីសម្រាប់អាជីពរបស់នាងក្នុងវ័យ៤២ ឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖រូបភាពច្រើនសន្លឹករបស់ Song Hye Kyo លុបបំបាត់អ្នកចំអកនាងថាមុខចាស់