ជីវិតកម្សាន្ដ

នាយ ឆ្អឹង រំភើបខ្លាំង ក្រោយទទួលបានអំណោយផ្ទះមួយល្វែង រស់នៅជុំគ្រួសារ

បានផុស

៣ years មុន

នៅ

ថ្ងៃព្រហស្បតិ៍ ១៧ សីហា ២០២៣

ដោយ

តារាកំប្លែងចាស់វស្សានាយ ឆ្អឹង បានសម្ដែងអារម្មណ៍រំភើបខ្លាំង បន្ទាប់ពីទទួលបានអំណោយផ្ទះមួយល្វែង កាលពីថ្មីៗកន្លងមកនេះ។ អំណោយផ្ទះ ១ ល្វែងនេះ ត្រូវបានលោកស្រី ម៉ែន ចិន្តា និងស្វាមី សម្រេចផ្ដល់ជូន នាយ ឆ្អឹង និងក្រុមគ្រួសារ ដើម្បីបានរស់នៅសមរម្យជុំក្រុមគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង នាយ ឆ្អឹង បានបញ្ជាក់ថា «ខ្ញុំ នាយ ឆ្អឹង តំណាងឲ្យក្រុមគ្រួសារទាំងមូល សូមអរគុណចំពោះលោកជំទាវឧកញ៉ា ម៉ែន ចិន្តា និងស្វាមីលោក ឈិត ឆៃយ៉ា ដែលលោកបានជូនអំណោយជាផ្ទះមួយល្វែងមកឲ្យខ្ញុំបាទរស់នៅ ខ្ញុំបាទសូមអរគុណ និងគោរពដឹងគុណអស់មួយជីវិត»។

នាយ ឆ្អឹង បាននិយាយបន្តថា «ខ្ញុំសូមបួងសួងទៅដល់ទេវតា សូមលោកជួយថែរក្សាលោកជំទាវឧកញ៉ា ម៉ែន ចិន្តា និងស្វាមី រួមទាំងក្រុមគ្រួសារ សូមឲ្យលោកមានសុខភាពល្អ និងជោគជ័យរាល់ភារកិច្ច។ ដំណឹងនេះ បានធ្វើឲ្យអ្នកគាំទ្របង្ហាញការចូលរួមអបអរដល់តារាកំប្លែងនាយ ឆ្អឹង ដែលកន្លងមកលោកបានជួបជីវភាពខ្វះខាត និងលំបាកនៅក្នុងគ្រួសារ។

សូមជម្រាបថា នាយ ឆ្អឹង ជាតារាកំប្លែងជើងចាស់ដែលបានចូលប្រឡូកសិល្បៈយូរឆ្នាំមកហើយ បន្ទាប់មកលោកស្រាប់តែបាត់វត្តមានស្ទើរទាំងស្រុងនៅក្នុងអាជីពកំប្លែង។ កន្លងមកគេចាំបានថា នាយ ឆ្អឹង ក៏ធ្លាប់បានត្អូញត្អែរត្រង់ៗថា ខ្លួនកាន់តែយ៉ាប់រកចំណូល ក្រោយទូរទស្សន៍ជាច្រើនបានកែប្រែកម្មវិធីធ្វើឲ្យក្រុមកំប្លែងជាច្រើនបាត់ទីផ្សារមួយភាគធំពីវិស័យនេះ៕

អត្ថបទ ៖ ចាន់រ៉ា