ជីវិតកម្សាន្ដ

ឆៃ លីដាឡែន ប្រកាសបើកបេះដូង ក្រោយសម្ពាយឈ្មោះមេម៉ាយយូរឆ្នាំ

បានផុស

៣ years មុន

នៅ

ថ្ងៃសុក្រ ២៧ តុលា ២០២៣

ដោយ

តារាចម្រៀងចាស់វស្សាអ្នកនាង ឆៃ លីដាឡែន បន្ទាប់ពីសម្ពាយឈ្មោះជាស្រ្តីមេម៉ាយអស់រយៈពេលច្រើនឆ្នាំ ទីបំផុត នាងបានប្រកាសសញ្ញាភ្លើងខៀវបើកបេះដូងទទួលស្នេហ៍ថ្មីដើម្បីស្អំបេះដូងឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់អ្នកនាង ឆៃ លីដាឡែន ក៏ជាតារាស្រីខ្មែរមួយរូបដែលបានជួបនូវរឿងរ៉ាវបែកបាក់ស្នេហាជាមួយអតីតស្វាមីវ័យប្រហែលគ្នាផងដែរក្រោយផ្តើមស្នេហ៍ រៀបការពេញច្បាប់រហូតទទួលបានចំណងដៃកូនប្រុសម្នាក់។ ប៉ុន្តែដោយការរស់នៅមិនចុះសម្រុងនឹងគ្នាទើបឈានដល់ការលះលែងផ្តាច់សង្វាក់ជាប្តីប្រពន្ធ ។

យ៉ាងណាមិញក្រោយរស់នៅចាយឈ្មោះជាស្រ្តីមេម៉ាយប្រមាណជិត ៤ឆ្នាំមកនេះ កន្លងមកធ្លាប់មានដំណឹងល្ហិចល្ហៀងមួយចំនួនថា ឆៃ លីដាឡែន មានបុរសខ្លះបានតាមស្រលាញ់នាងជាហូហែរប៉ុន្តែដំណឹងនេះហាក់ស្ងប់ស្ងាត់ទៅវិញ។ ដោយឡែកស្រាប់មុននេះ ដាឡែន បានប្រកាសហាក់ចាប់អារម្មណ៍រឿងចង់បានអ្នកស្អំបេះដូង។

អ្នកនាង ឆៃ លីដាឡែន បានបញ្ចេញសារឆ្លើយតបថា «ចែចាស់ហើយ មិនសូវស្អាតទៀត សម្រស់ក៏ធ្លាក់ហើយមិនចេះធ្វើម្ហូបទេ ចេះតែច្រៀងហើយសម្តែង ហើយឥឡូវគីឡូស្រាលទេ ទ្រព្យសម្បត្តិក៏គ្មាន ហើយមេម៉ាយទៀត មិនដឹងថាមានអ្នកណាគេព្រមស្រលាញ់ចែទៅ?»។

តារាចម្រៀងហៅ យ៉េៗ អ្នកនាង ឆៃ លីដាឡែន បានបញ្ជាក់បន្ថែមថា «ឥឡូវចែសុំបើកបេះដូង ទទួលយកបុរសណាចេះសាវ៉ាហើយកុហក បោកប្រាស់ចែនិយាយទៅ គឺមិនចេះស្មោះមានអត់ចែទទួលយកដាក់ស៊ីវីមក»។

តាមរយៈខ្លឹមសារនេះដែរអ្នកនាង ឆៃ លីដាឡែន ហាក់មានចេតនាឆ្លើយតបទៅបុគ្គលណាម្នាក់ដែលមានបំណងរិះគន់នាងផងដែរ។

គួររម្លឹកថា តារាស្រីអ្នកនាង ឆៃ លីដាឡែន បានរៀបអាពាហ៍ពិពាហ៍ជាមួយអតីតស្វាមី លោក រិទ្ធី ឧត្តមស៊ីដារ៉ា ហៅ តារា កាលពីអំឡុងខែមករា ឆ្នាំ២១០៥ នៅឯខេត្តបាត់ដំបង ទឹកដីកំណើតរបស់នាង ព្រមទាំងទទួលបានចំណងដៃកូនប្រុសម្នាក់យ៉ាងស្រស់។ ប៉ុន្តែក្រោយមកក៏ឈានដល់ការលះលែងផ្តាច់សង្វាក់ជាប្តី-ប្រពន្ធយ៉ាងភ្ញាក់ផ្អើល៕

អត្ថបទ៖ ចាន់រ៉ា