ស្រលាញ់គ្នា៣ឆ្នាំ! អេននី ហ្សាម ប្រកាសសុំបែក គូស្នេហ៍ភេទដូចគ្នាតាមលួងសុំត្រូវវិញ

ការ​ពិត​មហាជន​កន្លង​បាន​ដឹងហើយ​ចំពោះ​រឿងរ៉ាវ​នៃ​សម្ព័ន្ធ​​ភាព​ស្នេហា​ស្រលាញ់​ស្រី​ភេទ​ដូចគ្នា​របស់​តារា​ស្រី អេននី ហ្សាម និង​នារី​ស្រស់​ស្អាត់​ម្នាក់ ទៀត​បង្ក​ការ​ចាប់អារម្មណ៍​ដល់​អ្នកគាំទ្រ និង​មហាជន។

តាមការ​គត់​សម្គាល់​រហូត​មក​ទល់​ពេល​នេះ គឺ​ទំនាក់ ទំនង​របស់​ពួកគេ​គឺមានរយៈ​ពេល​ប្រមាណ​ ៣​ឆ្នាំ​ទៅហើយ ខណៈ​ដែល​សម្ព័ន្ធភាព​នេះ​មាន​ភាព​ផ្អែមល្ហែម​ហើយ​ស្អិតល្មួត​ជា​មួយ​​គ្នា​​គួរ​ឲ្យ​​ច្រណែន​ទៀត​ផង។ ប៉ុន្តែ​ថ្មី​ៗ​នេះ អេននី ហ្សាម បាន​ប្រកាស​យ៉ាង​ភ្ញាក់​ផ្អើល​ជុំវិញ​រឿង​សុំបែក​​សង្សា​ស្របពេល​ខួប ៣ឆ្នាំ​នៃ​ចំណង​ស្នេហ៍​ក៏ចូល​​មកដល់។

អតីត​តារា​ចម្រៀង អេននី ហ្សាម បាន​រៀបរាប់ថា Happy anniversary 3 year my love សុំបែក​​ព្រោះ​ខឹង​អន់ចិត្ត​ដែល​នៅ​ឆ្ងាយគ្នា​ទុកគេ​ចោល​មិនមែន​​សុំបែក​ព្រោះអីទេ សុំគេបែក​ព្រោះគេ​ពូកែទុកចោល​តែឥឡូវលែង​អី​ហើយ​គេថាមក​ពី​គេ​ចង់ Prank អរគុណ​បងស្រលាញ់ខ្លាំងៗ Nona Ra។

ឆ្លើយតបដំណឹង​នេះ ម្ចាស់គណនី​ហ្វេស​ប៊ុកឈ្មោះ Nona Ra បានបញ្ជាក់​ដែរ​ថា «ពូកែខឹង​ពេក​ ទៅ​តាមលួងដល់​ ស្រែណូយ​ គេអន់​ចិត្ត​ គេខូចចិ​ត្ត​ ព្រោះ​គេ​​ថា​ខ្ញុំមិនខ្វល់​ពីគេ​ គេសុំ​ខ្ញុំបែក​ម្សិលមិញ​ថ្ងៃនេះ​ Happy Anniversary My love 3 yearគេ​និយាយ​មិន​ចេញ​ គេរំភើបគេ​ សុខ​ៗគេ​ឃើញខ្ញុំ​ឈរ​នៅនឹងមុខគេ ​អរគុណដែល​ស៊ូរ​លំបាក​ជា​មួយខ្ញុំ 3yearមកនេះ​ Anny Realបង​ស្រឡាញ់​អូនខ្លាំង​ណាស់។

ប្រាកដ​ណាស់​កន្លង​មក​តារា​​ចម្រៀង​ អេននី ហ្សាម ក្លាហាន​បានទម្លាយ​រឿង​បង្កាត់​ភ្លើង​ស្នេហ៍ភេទ​ដូចគ្នា​បង្ហាញ​ជា​សាធារណៈ។ យ៉ាង​ណា​នាង​បានបង្ហាញ​ភាពផ្អែមល្ហែមខ្លាំង​រួមជា​មួយ​សង្សាស្រី​បណ្ដូលចិត្តជាសាធារណៈ​ តាមរយៈ​ការធ្វើដំណើរ​កម្សាន្ត​ផ្សេងៗនឹង​លើ​ឆ្នេរសមុទ្រ​ជាដើម៕

អត្ថបទ៖ ចាន់រ៉ា