ជីវិតកម្សាន្ដ

សារ៉ាវីតា ត្រូវអ្នកគាំទ្រនៅកំពង់ឆ្នាំងទាញដៃដួលអុកគូទលើឆាក

បានផុស

២ years មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

តារាចម្រៀងវ័យក្មេង និងជាអតីតបេក្ខនារីប្រឡងចម្រៀងលំដាប់ថ្នាក់ពិភពលោក កញ្ញា សុខ សារ៉ាវីតា ថ្មីៗនេះបានលេចវត្តមានច្រៀងនៅលើឆាកប្រគុំតន្រ្តីមួយនាទឹកដីខេត្តកំពង់ឆ្នាំង ។ វត្តមានរបស់ស្រីស្អាត សារ៉ាវីតា ទទួលបានការគាំទ្រច្រើនពីសំណាក់ Fan Fan របស់នាងនៅទីនោះ។

ជាងនេះ រឿងដែលបានធ្វើឲ្យគេចាប់អារម្មណ៍ និងភ្ញាក់ផ្អើលថែមទៀតអំឡុងពេលកញ្ញា សុខ សារ៉ាវីតា ច្រៀងចប់ភ្លាមរូបគេក៏បានលូកដៃចាប់ជាមួយអ្នកគាំទ្រ ប៉ុន្តែពេលនោះស្រាប់តែ សារ៉ាវីតា ត្រូវ Fan Fan ទាញដៃដួលអុកគូទនៅលើឆាកតន្ត្រី ហើយភ្លាមៗ នោះក៏ត្រូវបានពិធីករ និងអ្នកសិល្បៈដូចគ្នាជួយលើកឡើងវិញ។

កញ្ញា សុខ សារ៉ាវីតា បានបង្ហាញពីចំណាប់អារម្មណ៍ផ្ទាល់ខ្លួនទៅកាន់អ្នកគាំទ្រថា ពិតជាអរគុណ បងប្អូនខេត្តកំពង់ឆ្នាំងសម្រាប់ការគាំទ្រមកកាន់ វីតា ស្រឡាញ់គាំទ្រចាប់ដៃបានតែកុំទាញ វីតា ទម្លាក់ឆាកផ្ងារជើងអ៊ីចឹងណា អ៊ីចឹង វីតា ឈប់ស្រឡាញ់ ហើយវ៉ៃឲ្យបែកគូទម្តង អរគុណវេហា នឹងបងពិធីករដែលជួយលើក។

ដោយឡែកសម្រាប់លោក ណុប បាយ៉ារិទ្ធ ដែលជាតារាចម្រៀងរៀមច្បង និងគ្រូបង្វឹកបានបញ្ចេញមតិលក្ខណៈលេងសើចដោយចំអន់ថា អត់ទាន់ដឹងកូនប្រសារខ្ញុំទេណុង លេងstyle អ្នកចម្រៀងម៉ាឡេស៊ី ហ្វេនទាញដួលដែរណុងឥឡូវហើយ។ ជាមួយគ្នានេះដែរក៏មានអ្នកគាំទ្របានបញ្ចេញមតិហូរហែបែបលេងសើច ចំពោះ សុខ សារ៉ាវីតា ដែរ៕