ពូឃ្លាំង ស្នើរួមគ្នាជួយផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរប្រកបដោយគំរូ

ក្នុងគោលបំណងដើម្បីចូលរួមអភិរក្សមរតកទម្រង់សិល្បៈល្ខោនបាសាក់ខ្មែរកុំឲ្យបាត់បង់ ឬធ្លាក់ចុះ តារាចម្រៀងរ៉េប ពូឃ្លាំង បានចេញមុខស្នើយ៉ាងទទូចដល់មហាជន និងអ្នកគាំទ្រត្រូវរួមគ្នាជួយផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរប្រកបដោយគំរូ។

គេកត់សម្គាល់ថា ការចេញមុខរបស់ ពូឃ្លាំង ពាក់ព័ន្ធល្ខោនបាសាក់ខ្មែរនេះ ធ្វើឡើងដោយសង្កេតឃើញថាកន្លងមកលោក អុល សំអាង ប្រធានក្រុមល្ខោនបាសាក់រាធានីភ្នំពេញវង់ទី១ ជារឿយៗលោកតែងបានធ្វើការអំពាវនាវឲ្យមានការចូលរួមពីគ្រប់មជ្ឈដ្ឋានមហាជនខ្មែរក្នុងការរួមគ្នាផ្សព្វផ្សាយអភិរក្សនូវមរតកទម្រង់សិល្បៈល្ខោនបាសាក់ខ្មែរកុំឲ្យបាត់បង់ឬធ្លាក់ចុះផងដែរ ។

ដោយឡែកងាកមកមើលតារារ៉េប ពូឃ្លាំង បានលើកឡើងថា ព្រោះខ្លាចបាត់បង់ទម្រង់សិល្បៈល្ខោនបាសាក់ខ្មែរ ទើបប្រឹងប្រែងផ្សព្វផ្សាយ ប្រកាសសុំអោយប្រជាជនក្នុងនិងក្រៅជួយគាំពារសិល្បៈប្រកបដោយគំរូ មិនសម្តែងបែបបំពុលឬកំប្លែងអសីលធម៌….។

លោកអំពាវនាវថា “ការរួមគ្នាជួយផ្សព្វផ្សាយអភិរក្សម រតក ទម្រង់សិល្បៈល្ខោនបាសាក់ខ្មែរ អោយជ្រួលជ្រា បដល់ស្រទាប់មហាជនជ្រោតជ្រាបពីគុណតម្លៃវប្បធ ម៌ជាតិយើងគួតែផុសចេញទឹកចិត្តសាមានចិត្ត ស្មារតី មនសិកានៃពលរដ្ឋយើងម្នាក់ៗដើម្បីការពារថែរក្សាប ណ្តុះបណ្តាលគាំពារទ្រទ្រង់ពីមូលធនជន ឥស្សរជន នៃជាតិយើង“។ ពូឃ្លាំ បានលើកឡើងបន្ថែមដោយខ្លីថា កុំភ្លេចនាំគ្នា​ជួយថែសិល្បៈដូនតា។

គួរបញ្ជាក់ដែរថា កន្លងមកតួឯកល្ខោនបានសាក់លោក អុល សំអាង បង្ហាញអារម្មណ៍អន់ចិត្ត ខណ:លោកលើកឡើងថា បច្ចុប្បន្នមិនសូវឃើញបណ្តាញសង្គមឬផេកល្បីៗក្នុងសង្គមជួយផ្សព្វផ្សាយលើកស្ទួយល្ខោនបាសាក់ខ្មែរលេងត្រូវទម្រង់ទេ ប៉ុន្តែបើអ្វីៗបំពុលវប្បធម៌សង្គមជាតិប្រឹងប្រែងស៊ែរចែករំលែកម្លេះ។

លោក អុល សំអាង បានថ្លែងដូច្នេះបន្ទាប់ពីមើលឃើញថា យុវជនខ្មែរសព្វថ្ងៃហាក់មិនសូវឲ្យតំម្លៃលើការចូលរួមផ្សព្វផ្សាយមរតកសិល្ប:បុរាណខ្មែរនោះទេផ្ទុយទៅវិញពួកគេចាប់អារម្មណ៍ នូវអ្វីដែលជារឿងបំពុលសង្គមទៅវិញ។ ចំណុចនេះលោកបានចោទជាសំនួរទៅកាន់មហាជនទៅកាន់មហាជនយ៉ាងចាក់ដោតផងដែរ។

លោកលើកឡើងថា ហេតុអី្វល្ខោនបាសាក់ខ្មែរដែលសម្តែងមានបែបបទរក្សាទម្រង់សិល្បៈសម្តែងត្រឹមត្រូវមិនប្រើសម្តី​គ្រោធគ្រាធមិនសម្តែងប្រើពាក្យអាសអាភាសមិនសូវឃើញបណ្តាញ ឬផេកល្បីៗសង្គមជួយផ្សព្វផ្សាយ? តើបើអ្វីៗបំពុលវប្បធម៌សង្គមជាតិប្រឹងប្រែងស៊ែរចែករំលែកម្លេះ?៕

អត្ថបទ៖ ចាន់រ៉ា