ជីវិតកម្សាន្ដ

សមាជិកក្រុម SHINee រំលឹកខួបលើកទី៦ នៃការស្លាប់របស់ Jonghyun

បានផុស

២ years មុន

នៅ

ថ្ងៃចន្ទ ១៨ ធ្នូ ២០២៣

ដោយ

នៅថ្ងៃទី១៨ ខែធ្នូ គឺជាខួបលើកទី៦ ចាប់តាំងពី Jonghyun សមាជិកក្រុម SHINee បានទទួលមរណភាពនៅថ្ងៃទី ១៨ ខែធ្នូ ឆ្នាំ ២០១៧ ក្នុងអាយុ ២៧ ឆ្នាំ បន្ទាប់ពីត្រូវបានរកឃើញថាគាំងបេះដូងនៅក្នុងគេហដ្ឋាន ក្នុងទីក្រុងសេអ៊ូល។

នៅថ្ងៃនេះ ផលិតកម្ម SM Entertainment ដែលជាភ្នាក់ងាររបស់ SHINee បានបង្ហោះរូបថតនៃការសម្តែងរបស់ Jonghyun នៅលើ SNS ផ្លូវការរបស់ SHINee ជាមួយនឹងសារថា “ពួកយើងតែងតែស្រឡាញ់អ្នក” ក្នុងការចងចាំ។

លើសពីនេះទៀតដែរ Minho សមាជិកក្រុម SHINee ក៏បានចែករំលែករូបថតរបស់ Jonghyun នៅលើ SNS របស់គាត់ផងដែរ ដោយនិយាយថា “ថ្ងៃនេះជារដូវរងាដ៏កក់ក្តៅម្តងទៀត អរគុណចំពោះអ្នក។ ឆ្នាំនេះខ្ញុំនឹកអ្នកកាន់តែខ្លាំង hyung តែងតែនឹកអ្នកច្រើន ចងចាំច្រើន ហើយនិយាយច្រើនអំពីអ្នក!” គាត់បានបន្ថែមថា “ខ្ញុំទើបតែទៅសួរសុខទុក្ខ និងបានជួបម្តាយរបស់អ្នកនៅពេលធ្វើដំណើរត្រឡប់មកវិញ។ កុំបារម្ភ! ខ្ញុំបានលួងគាត់យ៉ាងល្អ។ មនុស្សជាច្រើននឹកអ្នកខ្លាំងណាស់។ ពួកយើងអាចនឹងជួបគ្នាម្តងទៀត។”

សូមរម្លឹកថា Jonghyun កើតនៅថ្ងៃទី ០៨ ខែមេសា ឆ្នាំ ១៩៩០ បានបង្ហាញខ្លួនជាតារាចម្រៀងសំខាន់របស់ SHINee ក្នុងខែឧសភា ឆ្នាំ ២០០៨។ គាត់ត្រូវបានគេស្គាល់មិនត្រឹមតែសម្រាប់ការច្រៀងប៉ុណ្ណោះទេ ប៉ុន្តែថែមទាំងជំនាញនិពន្ធបទចម្រៀង និងនិពន្ធបទភ្លេងផងដែរ។ គាត់បានសរសេរទំនុកច្រៀងសម្រាប់ ‘Juliette’ និង ‘View’ របស់ SHINee ក៏ដូចជាសម្រាប់ IU’s ‘Gloomy Clock’, ‘Red Candle’ របស់ Son Dam-bi, ‘Playboy’ របស់ EXO និង ‘Breathe’ របស់ Lee Hi ។

ចាប់ពីខែកុម្ភៈ ២០១៤ ដល់ខែមេសា ២០១៧ Jonghyun បានភ្ជាប់ទំនាក់ទំនងជាមួយអ្នកស្តាប់តាមរយៈកម្មវិធីវិទ្យុរបស់គាត់ ‘Blue Night, Jonghyun’ ។ គាត់បានបង្ហាញការតែងនិពន្ធរបស់គាត់នៅក្នុងផ្នែក ‘Blue Night Lyricist Composer’ ក្រោយមកបានចេញផ្សាយនៅក្នុងអាល់ប៊ុម ‘Story Op.1’ និង ‘Story Op.2’ ។ បទចម្រៀងទោលរបស់គាត់ ‘End of a Day’ និង ‘Lonely’ ដែលមាន Taeyeon ត្រូវបានគេចូលចិត្ត។

Jonghyun បានធ្វើការប្រគំតន្ត្រីទោលលើកដំបូងក្នុងឆ្នាំ ២០១៦ និងលើកទីពីរនៅថ្ងៃទី ០៩ និង ១០ ខែធ្នូ ឆ្នាំ ២០១៧ ដោយបានលាចាកលោក ៨ ថ្ងៃបន្ទាប់មក។ អាល់ប៊ុមក្រោយសម័យរបស់គាត់ ‘Poet|Artist’ ត្រូវបានចេញផ្សាយនៅខែមករាឆ្នាំបន្ទាប់។ ដោយផ្អែកលើចំណងជើងបទចម្រៀង ‘Shinin’ គ្រួសាររបស់ Jonghyun បានបង្កើតមូលនិធិមិនរកប្រាក់ចំណេញ ‘Shinin’ ដើម្បីលើកទឹកចិត្ត និងគាំទ្រដល់ការរីកចម្រើន និងសមត្ថភាពរបស់បុគ្គលវប្បធម៌ និងសិល្បៈ៕