ជីវិតកម្សាន្ដ

មិនធម្មតា ! មាស សុខសោភា គ្រងមកុដនិងងារជា «រាជនីសំលេងធម្មជាតិ »

បានផុស

៣ years មុន

នៅ

ថ្ងៃអាទិត្យ ២១ កុម្ភៈ ២០២១

ដោយ

តារាចម្រៀង មាស សុខសោភា ពិតជាមិនធម្មតាក្រោយពេលប្រកាសកុងត្រាជាមួយផលិតកម្មរាមរយៈពេលមួយឆ្នាំភ្លាម នាងក៏ទទួលបានការគ្រងមកុដនិងងារជារាជនីសម្លេងធម្មជាតិស្ទើរមិននឹក ស្មានដល់។

ការរក្សាបានប្រជាប្រិយភាពនិងការគាំទ្រពីសំណាក់តារាស្រី មាស សុខសោភា នេះក៏ព្រោះតែនាងជាតារាមួយរូបដែលមានសមត្ថភាពផ្នែកសិល្បៈចម្រៀងដែលមានអំណោយផលមកពីធម្មជាតិស្រាប់ខណៈពេលនេះនាងទទួលបានងារជារាជនីសម្លេងធម្មជាតិ ផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅបង្ហាញអារម្មណ៍រំភើប មាស សុខសោភា បាននិយាយថា ខ្ញុំពិតជារំភើបហើយសូមអរគុណដល់លោកអគ្គនាយកនិងអគ្គនាយិការផលិតកម្មរាមដែលបានផ្ដល់មកុដនិងងារជា«រាជនីសំលេងធម្មជាតិ » សម្រាប់ផលិតកម្មរាមដល់រូបនាងខ្ញុំហើយក៏អរគុណសម្រាប់ការបង្កើតកម្មវិធីដ៏មហាអស្ចារ្យនេះ។

តារាស្រី មាស សុខសោភា បានប្រកាសជំហររបស់ខ្លួនដោយភាពជឿជាក់ថាការសម្រេចចិត្តចូលផលិតកម្មរាមរហូតឈានដល់ធ្វើការចុះកិច្ចសន្យារយៈ១ឆ្នាំនេះគឺកើតចេញពីបេះដូងនិងក្តីស្រលាញ់រវាងនាងនិងថៅកែផលិតកម្មនេះតែម្តង។ នាងថាក្តីស្រលាញ់ដែលកើតចេញពីបេះដូងនេះទើបធ្វើឲ្យនាង សម្រេចចិត្តចូលផលិតកម្មមួយនេះ។ មិនប្រាកដទេថាកុងត្រា១ឆ្នាំនេះក៏អាចឈានដល់មួយជីវិតផងដែរ។សម្តីបញ្ជាក់របស់ មាស សុខសោភា៕

អត្ថបទ ៖ ចាន់រ៉ា