បវរកញ្ញា ​ម៉ាឡេស៊ី ​ត្រូវ​​គេ​ដក​តំណែងចេញភ្លាមៗ ក្រោយ​​លេង​សើច​ជាមួយ​អ្នក​រាំ​ប្រុស​នៅ ​ថៃ

នាង Viru Nikah Terinsip ដែលជារាជនីសម្រស់មកពីប្រទេសម៉ាឡេស៊ី ត្រូវបានដកហូតតំណែងជាបវរកញ្ញា បន្ទាប់ពីមានការរីករាលដាលនៃវីដេអូដែលបង្ហាញពីការលេងសើច និងសប្បាយរីករាយជាមួយអ្នករាំប្រុសៗក្នុងឈុតគ្មានខោអាវ នាអំឡុងពេលវិស្សមកាលនៅប្រទេសថៃ។

នៅក្នុងរបាយការណ៍របស់ The Star ការរិះគន់យ៉ាងទូលំទូលាយនៃវីដេអូនេះបានបណ្តាលឲ្យសមាគមវប្បធម៌ Kadazandusun (KDCA) ដកតំណែងរបស់នាង ទោះបីជានាងចេញលិខិតសុំទោសជាសាធារណៈតាមរយៈទំព័រ Facebook របស់នាងកាលពីថ្ងៃចន្ទក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក កាសែត South China Morning Post បានកត់សម្គាល់ថា ប្រធាន KDCA លោក Joseph Pairin Kitingan បានទទួលស្គាល់ថា វាជារឿងធម្មតាទេដែលបុគ្គលម្នាក់ៗមានចិត្តរំភើបខ្លាំងពេកអំឡុងពេលវិស្សមកាល។ ទោះជាយ៉ាងណាក៏ដោយ គាត់បានកត់សម្គាល់ថាអាកប្បកិរិយាបែបនេះមិនសមនឹងម្ចាស់មកុដដ៏ស្រស់ស្អាតដែលរំពឹងថាតំណាងឲ្យគុណធម៌របស់ Huminodun និងជាស្រីក្រមុំមកពីក្រុមជនជាតិភាគតិច Dusun ក្នុងទេវកថារបស់ Sabah បានប្រារព្ធសម្រាប់ភាពស្រស់ស្អាតនិងប្រាជ្ញារបស់នាងសូម្បីតែបន្តិចណាឡើយ។

លើសពីនេះ Kitingan បានរៀបរាប់ថា វីដេអូនេះបានទាញយកនូវការឆ្លើយតបជាច្រើនពីសាធារណជន ពីភាពរីករាយរហូតដល់ការខកចិត្ត ដែលនាំឲ្យ KDCA ធ្វើការសម្រេចចិត្តដើម្បីការពារភាពចម្រូងចម្រាសបន្ថែម និងការពិនិត្យមើលដែលមិនចង់បាន។

ថ្វីបើយ៉ាងណាក៏ដោយ Terinsip បានទទួលស្គាល់ថា​ នាងពិតជាខ្វះការប្រុងប្រយ័ត្ន ក្នុងការចែករំលែកវីដេអូតាមរយៈការសុំទោសជាសាធារណៈរបស់នាង។ ក្រោយមក រាជិនីសម្រស់ក៏បានប្រកាសថានាងសម្រេចចិត្តលាលែងតំណែង និងឆ្លៀតឱកាសបង្ហាញការដឹងគុណចំពោះសាធារណជន ដោយលើកឡើងថា ដល់ពេលហើយដែលគ្រប់គ្នាត្រូវផ្តោតលើបញ្ហាផ្សេងទៀត ហើយឆ្ពោះទៅមុខ លើសពីព្រឹត្តិការណ៍នេះ។

សូមជម្រាបជូនថា បវរកញ្ញា Terinsip មានអាយុ ២៤ឆ្នាំ នាងត្រូវបានគ្រងមកុដជាអ្នកឈ្នះការប្រលងប្រណាំង Unduk Ngadau Johor ឆ្នាំ ២០២៣ ដែលជាការប្រលងសម្រស់ប្រចាំឆ្នាំ​​ និងជាការអបអរសាទរដល់វិញ្ញាណរបស់ Huminodun ផងដែរ៕

អត្ថបទ៖ សាង ស្រីល័ក្ខ

ចុចអាន៖ដោយសារតែទុរេនមួយផ្លែ តារា​ ហុងកុង ​ម្នាក់​​ ត្រូវ​ប៉ូលិសនៅព្រលាន​យន្តហោះ​ម៉ាឡេស៊ី ​ឃាត់សួរ