ជីវិតកម្សាន្ដ

ករណីជនអនាមិកក្លែងបន្លំឈ្មោះបង្ហោះថា កូនស្រីពៅស្លាប់ ផន សុផារី សម្រេចចាត់វិធានការផ្លូវច្បាប់

បានផុស

២ years មុន

នៅ

ថ្ងៃចន្ទ ២២ មេសា ២០២៤

ដោយ

កាលពីទី២១ ខែមេសា ឆ្នាំ២០២៤ ម្សិលមិញមហាជន និងអ្នកប្រើប្រាស់បណ្តាញសង្គមហ្វេសប៊ុកមានការភ្ញាក់ផ្អើលគ្រប់គ្នាបន្ទាប់ពីមានជនអនាមិកបានយកឈ្មោះ និងរូបភាពបង្កើតផេកហ្វេសប៊ុកក្លែងក្លាយ និងបង្ហោះថា តារាសម្តែងអ្នកនាង ផន សុផារី បានជួបគ្រោះថ្នាក់ចរាចរណ៍រហូតបណ្តាលឲ្យកូនស្រីពៅរបស់នាងទទួលមរណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ អ្វីដែលកាន់តែហួសចិត្តទៀតបុគ្គលបោកប្រាស់រូបនោះដែលប្រើ Account Facebook ក្លែងក្លាយឈ្មោះថា Phorn Sophary ថែមទាំងបានយករូបថតលោក សួន សេរីរដ្ឋា ប្រធានវេទិកាសន្តិភាពកម្ពុជា និងភរិយាអំឡុងពេលទៅអុចធូបគោរពវិញ្ញាណក្ខន្ធលោកសាស្ត្រាចារ្យ សំបូរ ម៉ាណ្ណារ៉ា យកទៅកាត់តដាក់រូបថតកូនក្មេង ផុសផ្សព្វផ្សាយបោកប្រាស់ធ្វើការរៃអង្គាសសុំលុយពីសាធារណៈជនទៀតផង។

យ៉ាងណាភ្លាមៗនោះលោក សួន សេរីរដ្ឋា ក៏អំពាវនាវឲ្យអាជ្ញាធរសមត្ថកិច្ចស៊ើបអង្កេត និងចាត់ការលើបុគ្គលម្ចាស់ Account នេះតាមច្បាប់ជាបន្ទាន់។ ដោយឡែក បន្ទាប់ពីកើតរឿងរ៉ាវនេះឡើង ងាកមកតារាស្រីអ្ននាង ផន សុផារី កាលពីយប់ថ្ងៃទី២១ ខែមេសា ឆ្នាំ២០២៣ បានចេញមកធ្វើការឡាយបកស្រាយករណីគេថា នាង និងកូនជួបគ្រោះថ្នាក់ចរាចរណ៍ស្លាប់។

ផន សុផារី បានសរសេរថា «សូមបងប្អូនកុំយល់ច្រឡំ»។ ទន្ទឹមនោះនាងក៏បាននិយាយនៅក្នុងការ Live ទៀតថា នាង និងកូនពុំមានរឿងអ្វីកើតឡើងដូចការបង្ហោះរបស់ជនអនាមិកដែលបង្កើតគណនីហ្វេសប៊ុកក្លែងបន្លំដើម្បីគេងចំណេញផលប្រយោជន៍នោះទេ។ ម្យ៉ាងទៀតរឿងដែលសំខាន់ពេលនេះនាងបានសម្រេចធ្វើតាមផ្លូវច្បាប់ទៅលើបុគ្គលនោះហើយ៕

អត្ថបទ៖ ចាន់រ៉ា