Connect with us

ជីវិតកម្សាន្ដ

សមាគមសិល្បករខ្មែរ បើកកិច្ចប្រជុំពិនិត្យកែសម្រួលលក្ខន្តិកៈ ដើម្បីគ្រប់គ្រងសិល្បករឲ្យមានប្រសិទ្ធភាព

បានផុស

នៅ

បន្ទាប់ពី​ការ​បោះឆ្នោត​ជ្រើសរើស​ប្រធាន​សមាគម​សិល្បករ​ខ្មែរ​អាណត្តិ​ទី ៦ ដែល​ពេលនេះ​គ្រប់គ្រង​ដោយ​លោកជំទាវ​អ្នកឧកញ៉ា ម៉ៅ ចំណាន នោះ គេ​សង្កេត​ឃើញ​ថា ប្រធាន​សមាគម​អាណត្តិ​ថ្មី​ដ៏​មាន​ឥទ្ធិពល​រូប​នេះ បាន​និង​កំពុង​យកចិត្តទុកដាក់​យ៉ាង​ខ្លាំង​ទៅ​លើ​ផែនការ​ថ្មីៗ មួយ​ចំនួប ពិសេស ផ្តោត​កិច្ច​គាំពារ​លើ​ព្រឹទ្ធាចារ្យ​សិល្បៈ​សិល្បករ​-​សិល្ប​ការិនី​ជា​ដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាង កាលពី​រសៀល​ថ្ងៃ​ទី ២២ ខែ​ឧសភា ឆ្នាំ ២០២៤ សមាគម​សិល្បករ​ខ្មែរ បាន​បើក​កិច្ចប្រជុំ​មួយ ដោយ​មាន​ការ​ចូលរួម​ពី​សមាជិក​ក្រុមប្រឹក្សាភិបាល​សមាគម​ទាំងអស់ ដើម្បី​ពិនិត្យ និង​កែសម្រួល​លក្ខន្តិកៈ និង​រៀបចំ​ផែនការ​យុទ្ធសាស្ត្រ​នានា ធ្វើ​យ៉ាងណា​ឲ្យ​សមាគម​ដំណើរការ​ទៅមុខ​ប្រកប​ដោយ​ភាព​ល្អ​ប្រសើរ​ស្រប​តាម​ទស្សនៈ​វិស័យ និង​បេសកកម្ម​របស់​ខ្លួន​ក្នុង​ការ​អភិវឌ្ឍ​កិច្ចការ​សិល្បៈ និង​ការ​គ្រប់គ្រង​សិល្បករ​ឲ្យ​មាន​ប្រសិទ្ធភាព​ជាដើម។

កិច្ចប្រជុំ​នោះ​ដែរ សមាជិក​ក្រុមប្រឹក្សាភិបាល​ទាំងអស់ ក៏បាន​បោះឆ្នោត​ដោយ​ការ​លើក​ដៃ​ផ្ដល់​សេចក្ដី​ទុកចិត្ត​ដល់​លោក ទិត្យ ថាវរិទ្ធ រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ ជា​ប្រធាន​ក្រុមប្រឹក្សាភិបាល​របស់​សមាគម និង​ដឹកនាំ​កិច្ចប្រជុំ​ទៅ​តាម​របៀបវារៈ​នីមួយៗ ដែល​បាន​គ្រោងទុក។

ប្រាកដ​ណាស់ បើ​តាម​កត់សម្គាល់ ថ្វីត្បិត​តែ​សមាគម​សិល្បករ​ខ្មែរ​ទើបតែ​បាន​បោះឆ្នោត​ជ្រើសរើស ប្រធាន​ក៏​ពិតមែន ប៉ុន្តែ​ថ្នាក់ដឹកនាំ​សមាគម តែង​បាន​រៀបចំ​កិច្ចប្រជុំ​ជា​ញឹកញាប់ ដើម្បី​រៀបចំ​ការងារ​ចាំបាច់​មួយ​ចំនួន និង​បំពេញ​បន្ថែម​នូវ​ចំណុច​ខ្វះខាត​ឈាន​ទៅ​ពង្រឹង​ប្រសិទ្ធភាព​ការងារ ជា​ពិសេស​ការងារ​ចំពោះ​មុខ គឺ​រៀបចំ​កម្មវិធី “​អ្នក​ស្នង​មរតក​” ដែល​គ្រោង​ប្រព្រឹត្តិ​ទៅ​នៅ​ថ្ងៃ​ទី ៣១ ខែ​ឧសភា ឆ្នាំ ២០២៤ ឆាប់ៗ នេះ ក្រោម​អធិបតីភាព សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា និង​លោកជំទាវ។

គួរ​បញ្ជាក់​ថា សមាគម​សិល្បករ​ខ្មែរ​អាណត្តិ​ទី ៦ នេះ មាន​ការ​ចូលរួម​ជា​ក្រុមប្រឹក្សាភិបាល​មកពី​អន្តរ​វិស័យ ក្នុង​នោះ​រួមមាន មន្ត្រី​ថ្នាក់​រដ្ឋលេខាធិការ​ពី​ក្រសួង​វប្បធម៌ និង​វិចិត្រសិល្បៈ , ក្រសួង​កិច្ចការ​នារី​, ទេសចរណ៍​, ពាណិជ្ជកម្ម​ ,​គណៈ​មេធាវី សភា​ពាណិជ្ជកម្ម ព្រមទាំង​វិស័យ​ឯកជន​មួយ​ចំនួន​ទៀត។ សមាគម​សិល្បករ​ខ្មែរ ពិតជា​មាន​មោទនភាព និង​ក្ដីសង្ឃឹម​យ៉ាង​មុតមាំ ក្នុង​ការ​អភិវឌ្ឍ​សមាគម​ឲ្យ​មាន​ការ​រីកចម្រើន​ទៅ​លើ​វិស័យ​សិល្បៈ​វប្បធម៌៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម