Connect with us

វប្បធម៌ ជំនឿ

សិក្ខាកាម ២០០ នាក់ បានបញ្ចប់បណ្ដុះបណ្ដាលជំនាញពិធីការ ប្រពៃណី និងបដិសណ្ឋារកិច្ច

បានផុស

នៅ

លោកស្រី ឡងឌី សាន់ណារ៉ា រដ្ឋលេខាធិការ ក្រសួងវប្បធម៌ និងវិចិត្រសិល្បៈ បានអញ្ជើញចូលរួម បិទវគ្គបណ្ដុះបណ្ដាលតម្រង់ទិសជំនាញពិធីការ ប្រពៃណី និងបដិសណ្ឋារកិច្ច ដល់សិក្ខាកាមចំនួន ២០០ នាក់ របស់ក្រុមហ៊ុនឈូកប្រណិត។ វគ្គបណ្ដុះបណ្ដាលនេះ មានការគាំទ្រ និងចូលរួមដោយវាគ្មិនជំនាញពី ក្រសួងវប្បធម៌ និងវិចិត្រសិល្បៈ ក្រសួងធម្មការ និងសាសនា និងគណៈកម្មាធិការរៀបចំបុណ្យជាតិ និងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបិទ នាល្ងាចថ្ងៃទី៩ ខែមិថុនា ឆ្នាំ២០២៤ នេះ លោកស្រីរដ្ឋលេខាធិការបានបញ្ជាក់ថា ក្រសួងវប្បធម៌ និងវិចិត្រសិល្បៈ រីករាយនឹងរង់ចាំរួមសហការជានិច្ច គ្រប់បណ្ដាគ្រប់ហ៊ុន អាជីវកម្ម និងបងប្អូនប្រជាពលរដ្ឋទាំងអស់ដែលមានបំណង ចង់បង្កើតកម្មវិធី មាតិកាក្នុងន័យចូលរួមថែរក្សា និងអភិវឌ្ឍវិស័យវប្បធម៌គ្រប់ទម្រង់ ព្រោះវប្បធម៌ ជាកេរដូនតា គឺជាកាតព្វកិច្ចរបស់យើងទាំងអស់ត្រូវពូនជ្រំថែរក្សា។

លោកស្រីបានរំលឹក ដល់សិក្ខាកាមទាំងអស់ ក្នុងនាមយើងជាអ្នកប្រតិបត្តិនូវការងារបដិសណ្ឋារកិច្ច តោងស្គាល់ ដឹង និងយល់ឱ្យច្បាស់ពីសុជីវធម៌ក្នុងភាសាទំនាក់ទំនង និងកាយវិការ។ ជាចុងបញ្ចប់ លោកស្រីបានថ្លែងអំណរគុណ ដល់គ្រប់ហ៊ុនឈូកប្រណិត ដែលដឹកនាំដោយ លោក ជុន រ័ត្ន ដែលបានខិតខំប្រឹងប្រែងចំណាយទាំងគំនិត ពេលវេលា និងថវិកា ដើម្បីឱ្យកម្មវិធីដ៏ល្អ និងមានសារៈសំខាន់ជួយដល់សង្គមនេះបានកើតឡើងដោយរលូន ហើយលោកស្រីបានផ្ដាំផ្ញើដល់សិក្ខាកាមទាំងអស់ សូមយកចំណេះដឹងនេះទៅផ្សព្វផ្សាយបន្តឱ្យបានទូលំទូលាយ និងប្រើប្រាស់ដោយមានជំនឿចិត្ត ព្រោះយើងបានស្គាល់ខ្លួនឯងច្បាស់មិនខ្លាចនូវភាពច្របូកច្របល់ពីខាងក្រៅច្រោះចូលមកខាងក្នុងឡើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម