Connect with us

ព័ត៌មានអន្ដរជាតិ

រុស្ស៊ី ព្រមានបារាំង ឲ្យប្រយ័ត្នខ្លួន កុំហ៊ានលូកដៃចូលសង្គ្រាមអ៊ុយក្រែន ជ្រៅពេក

បានផុស

នៅ

តាមការចុះផ្សាយរបស់សារព័ត៌មាន TASS អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានព្រមានឲ្យបារាំងប្រយ័ត្នខ្លួន បើហ៊ានតែលូកដៃចូលកាន់តែជ្រៅ ចូលទៅក្នុងជម្លោះនៅអ៊ុយក្រែន។

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova (រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មានកាលពីថ្ងៃព្រហស្បតិ៍ទី១៣ខែមិថុនា លោកស្រីនិយាយថា ​បារាំងកាន់តែបានដៃធ្វើអន្តរាគមន៍ក្នុងជម្លោះអ៊ុយក្រែន ហើយប្រសិនបើមិនព្រមឈប់ទេ នោះច្បាស់ជាបង្កឲ្យមានជម្លោះដោយផ្ទាល់ជាមួយទីក្រុងមូស្គូ ជាក់ជាមិនខានឡើយ។ 

តាមការបញ្ជាក់ពីលោកស្រី បារាំងបានចូលខ្លួនពាក់ព័ន្ធក្នុងជម្លោះនេះ កាន់តែខ្លាំងឡើងៗ ហើយប្រកាន់ជំហរដែលនាំឲ្យស្ថានការណ៍កាន់តែយ៉ាប់យ៉ឺន។ អាចនឹងមានជម្លោះដោយផ្ទាល់ជាមួយរុស្ស៊ី ហើយបើរឿងនេះកើតឡើងមែន វាមិនមែនបង្កការលំបាកផ្នែកសន្តិសុខត្រឹមអឺរ៉ុបទេ តែវាគឺជះផលអវិជ្ជមានដល់ពិភពលោកទាំងមូលតែម្តង។

(រូបថត៖ Crisis Group)

ការគំរាមរបស់អ្នកនាំពាក្យរូបនេះ កើតឡើងបន្ទាប់ពីរដ្ឋាភិបាលទីក្រុងប៉ារីស តែងតែបញ្ចេញវោហារសាសបញ្ឆេះឲ្យស្ថានការណ៍ក្តៅឆួលដូចជាការបញ្ជូនទ័ពណាតូ ទៅជួយអ៊ុយក្រែន ប្រយុទ្ធជាមួយកងកម្លាំងរបស់លោក វ្ល៉ាឌីមៀរ ពូទីន ជាដើម ថ្វីបើសមាជិកអង្គការនេះមួយចំនួនជាពិសេសសហរដ្ឋអាមេរិក បានបដិសេធក៏ដោយ។

គេមើលឃើញថា តាំងពីសង្គ្រាមរុស្ស៊ី-អ៊ុយក្រែន ផ្ទុះឡើងនៅខែកុម្ភៈឆ្នាំ២០២២មក, បារាំងបានក្លាយជាប្រទេសមួយ ក្នុងចំណោមប្រទេសអឺរ៉ុបជាច្រើន ដែលចេញមុខចេញមាត់គាំទ្រលើសលប់លើអ៊ុយក្រែន។

ប្រធានាធិបតីបារាំងលោក Emmanuel Macron (រូបថត៖ AP)

ទោះបីជាយ៉ាងណាក៏ដោយ ទីក្រុងមូស្គូបានថ្កោលទោសគំនិតរបស់បារាំង ដល់ថ្នាក់អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev ហ៊ានប្រកាសថា ទីក្រុងមូស្គូនឹងប្រើប្រាស់អាវុធនុយក្លេអ៊ែរបាញ់លើលោកខាងលិចទៀតផង ប្រសិនបើទាហានណាតូណាម្នាក់ លេចវត្តមាននៅអ៊ុយក្រែន។

រុស្សីក៏បញ្ជាក់ដែរថា ខ្លួននឹងចាត់ទុកទាហានបារាំងនៅអ៊ុយក្រែនជា “គោលដៅស្របច្បាប់” សម្រាប់ការវាយប្រហារ ទោះពួកគេនៅទីនេះ ដើម្បីបណ្តុះបណ្តាលកងទ័ពទីក្រុងកៀវក៏ដោយ៕

អត្ថបទ៖ សុខ សុវណ្ណ

ចុចអាន៖ លោក Macron ប្រកាសបញ្ជូនយន្តហោះចម្បាំង ទៅឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ ម៉ោង មុន

ស្លាប់​១១​នាក់ បាត់ខ្លួន៣០នាក់ ក្នុង​ហេតុការណ៍​បាក់​ស្ពាន​នៅ​ចិន​ព្រោះ​ភ្លៀង​ធ្លាក់​ខ្លាំង

ព័ត៌មានជាតិ៥ ម៉ោង មុន

អស់រយៈពេល៨ថ្ងៃហើយ​ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ

សេចក្ដីជូនដំណឹង១២ ម៉ោង មុន

ដំណឹងមរណភាព​ មហាសទ្ធាភិរ័ក្ខញាណ​ ហ៊ី​ ឡាយ​ អគ្គមហាឧបាសកពុទ្ធសាសនូបត្ថម្ភក៍

សន្តិសុខសង្គម៦ ម៉ោង មុន

អាជ្ញាធរ ចុះរៀបចំសណ្តាប់ធ្នាប់ក្រោមស្ពានស្ទឹងមានជ័យ ដែលជាជម្រកជនអនាថាប្រព្រឹត្តបទល្មើស

ព័ត៌មានអន្ដរជាតិ១២ ម៉ោង មុន

លោក ចូ បៃដិន ​ថា​ សុខចិត្តបោះបង់អំណាច​នៅពាក់​កណ្តាលអាណត្តិ​​ឱ្យ​អនុប្រធានាធិបតី កាម៉ាឡា ហារីស

Sokha Hotels

ព័ត៌មានពេញនិយម