ជីវិតកម្សាន្ដ

ចូលដល់វ័យ ៦១ឆ្នាំ តួ លី លានជា ប្រាប់ថា នៅតែរឹងមាំ ហើយមានជីវិតរស់ធម្មតាទេ

បានផុស

២ years មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

សុខភាពរបស់តារាក្បាច់គុនចិន Jet Li ឬទស្សនិកចំណាំហៅលោកថា លី លានជា បានក្លាយជាក្តីព្រួយបារម្ភចាប់តាំងពីការថតរូបរបស់គាត់មើលទៅទន់ខ្សោយ នៅប្រាសាទមួយក្នុងទីបេ បានរីករាលដាលនៅឆ្នាំ ២០១៨។ តារាសម្ដែងរូបនេះបានញាំញីជាមួយនឹងពាក្យចចាមអារ៉ាមអំពីការស្លាប់ជាច្រើនឆ្នាំមកហើយ បើទោះបីជាលោកធ្លាប់ចេញមុខបកស្រាយ និងបង្ហាញខ្លួនឲ្យមហាជនបានដឹងថាលោកនៅរស់រានមានជីវិតក៏ដោយ។

ជាក់ស្ដែងមកដល់សព្វថ្ងៃនេះតារាសម្ដែងនិយមក្បាច់គុនចិនមានអាយុ ៦១ ឆ្នាំបានបង្កឲ្យមានការភ័យខ្លាចសាជាថ្មីចំពោះសុខភាពរបស់គាត់ នៅពេលដែលគាត់មើលទៅចាស់ជាងមុនឆ្ងាយ គួរឲ្យកត់សម្គាល់នៅក្នុងការផ្សាយពាណិជ្ជកម្មថ្មីមួយ។

វីដេអូមួយដែលត្រូវបានគេចែកចាយតាមអ៊ីនធឺណិត ស្ទើរតែធ្វើឲ្យបណ្ដាអ្នកគាំទ្រជាច្រើនមានការព្រួយបារម្ភកាន់តែខ្លាំងឡើងៗស្របពេលដែលកាលពីសប្តាហ៍មុន អ្នកបង្កើតមាតិកាឈ្មោះ Jiaziai បានទៅ Xiao Hong Shu ដើម្បីចែករំលែកវីដេអូរបស់គាត់ជាមួយ Jet នៅ Lhasa ប្រទេសទីបេ។

នៅក្នុងឃ្លិបមួយ លោកកំពុងតែធ្វើដំណើរចុះពីលើជណ្តើរ ពេលដែល Jiaziai ប្រញាប់ប្រញាល់ទៅជួយគាត់ ដោយចាប់កាន់ដៃកុំឲ្យគាត់ដួលឬប៉ះទង្គិចនឹងអ្វីមួយ។ ភ្លាមៗនោះ តារាភាពយន្តរូបនេះបាននិយាយថា “ប្រសិនបើអ្នកបន្តកាន់ដៃខ្ញុំ ហើយវីដេអូនេះចេញមក ខ្ញុំនឹងត្រូវគេគិតថាកាន់តែជរាហើយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ស្ថានភាពជំងឺរបស់តារាប្រុសវ័យ៦១ឆ្នាំហាក់ដូចជាមានភាពធូរស្រាល និងមានសុខភាពល្អនាពេលបច្ចុប្បន្ននេះ អ្វីៗគឺខុសគ្នាខ្លាំងកាលពីមួយទសវត្សរ៍មុន។ ក្នុងឆ្នាំ ២០១៣ តារាសម្តែងរូបនេះបានបង្ហើបថាគាត់មានបញ្ហាសុខភាពជាច្រើនរួមទាំងជំងឺលើសឈាម ជំងឺបេះដូង និងបញ្ហាឆ្អឹងខ្នងពីការងារភាពយន្តជាច្រើនឆ្នាំដែលទាមទាររាងកាយ និងរបួសតាមការកំណត់៕