ជីវិតកម្សាន្ដ

គេរិះគន់អួតឡាន សួរ វិចិត្រ បកស្រាយថា ទ្រព្យសុចរិតរកបានដោយកម្លាំងញើសឈាមមិនឆក់ប្លន់ទេ

បានផុស

២ years មុន

នៅ

ថ្ងៃសុក្រ ២៨ មិថុនា ២០២៤

ដោយ

តារាចម្រៀងប្រុស និងជាម្ចាស់ពានរង្វាន់កម្មវិធីប្រឡងចម្រៀងលំដាប់ពិភពលោក Beat The Best Cambodia រដូវកាលទី១ លោក សួរ វិចិត្រ ថ្មីៗនេះត្រូវបានអ្នកប្រើប្រាស់បណ្ដាញសង្គមម្នាក់រិះគន់ថា លោកចូលចិត្តអួតរឿងថតនៅពីមុខឡាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរិះគន់នេះបានធ្វើឲ្យម្ចាស់ពានរូបនេះបញ្ចេញប្រតិកម្មឆ្លើយតបដោយបកស្រាយថា ទោះបីលោកថតអួតឡានក៏វាកើតចេញពីកម្លាំងញើសឈាម ដែលរកបានដោយភាពសុចរិត ហើយលោកក៏ជាអ្នកចម្រៀងគឺត្រូវបង្ហាញភាពជឿជាក់សម្រាប់ខ្លួនឯង។ ម្យ៉ាងទៀត សួរ វិចិត្រ ចាត់ទុកថា មានតែអ្នកល្ងង់ទេ ដែលគិតអវិជ្ជមានបែបនេះ។

ប្រតិកម្មឆ្លើយតបម្ចាស់គណនីឈ្មោះ Chan Ratanak ដែលរិះគន់ថា “ខ្ពើមឈរមុខអួតមុខឡានថត ខ្លាចគេមិនដឹង” ត្រូវបានលោក សួរ វិចិត្រ លើកឡើងថា «មានតែមនុស្សល្ងង់ទេដែលនៅតែគិតនឹងមានផ្នត់គំនិតបែបនេះនោះមនុស្សយើងមិនអាចអង្គុយរអ៊ូថាក្ររហូតទេ ខ្ញុំជាអ្នកចម្រៀង ខ្ញុំត្រូវបង្ហាញពីភាពជឿជាក់សម្រាប់ខ្លួនឯង»។

លោក សួរ វិចិត្រ បាននិយាយបន្ថែមទៀតថា “ឡាននេះបានមកដោយសុចរិត នឹងបានដោយកម្លាំងញើសឈាមមិនបានឆក់ប្លន់ឯណាយល់នៅប្រូហ្វាល់រូបព្រះ តែចិត្តបងឯងវិញក្ដៅក្រហាយ”។

គួរបញ្ជាក់ថាការរិះគន់របស់ម្ចាស់ហ្វេសប៊ុកខាងលើបន្ទាប់ពី សួរ វិចិ ត្រ បានបង្ហោះខ្លឹមសារថា ខែនេះYouTube បាន ៥០០ដុល្លារ អត់ដែលផុសផងអរគុណFan ដែលចាក់បទក្នុង Channel YouTube ខ្ញុំស្ដាប់រហូត(បទចាស់ៗ)៕

អត្ថបទ៖ ចាន់រ៉ា