ជីវិតកម្សាន្ដ

កូនភ្លោះពីរនាក់ ថ្លែងអំណរគុណ សម្តេចតេជោ ហ៊ុន សែន ក្រោយទទួលបានការសរសើរ និងឧបត្ថម្ភថវិកាសិក្សា ៤ ឆ្នាំ

បានផុស

២ years មុន

នៅ

ថ្ងៃសុក្រ ២៣ សីហា ២០២៤

ដោយ

បន្ទាប់ពីទទួលបានការសរសើរពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា កូនភ្លោះ ២ នាក់ ដែលជាបងប្អូនបង្កើតបានសម្តែងអារម្មណ៍រំភើបខ្លាំង និងថ្លែងអំណរគុណជូនចំពោះសម្តេចតេជោ ដែលបានឧបត្ថម្ភដល់ការសិក្សារយៈពេល ៤ឆ្នាំ សម្រាប់អ្នកទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងប្អូនភ្លោះទាំង២នាក់មានឈ្មោះ ខាំ សុវណ្ណណូ និ ងឈ្មោះ លាន ង៉ាមម៉ាណេតដែលពួកគេមានស្រុកកំ ណើតនៅទីរួមខេត្តក្រចេះ។កូនភ្លោះទាំង២នាក់នេះក៏ជាបេក្ខជនប្រឡងកម្មវិធីCambodian idol រដូវកា លទី៥ផងដែរ។

ផ្តល់សម្ភាសន៍ជាមួយ “កម្ពុជាថ្មី” តាមទូរស័ព្ទនៅព្រឹកថ្ងៃទី២២ ខែសីហា ឆ្នាំ២០២៤ លោក ខាំ សុវណ្ណណូ បានប្រាប់ឲ្យដឹងថា លោកពីរនាក់បងប្អូនពិតរំភើបខ្លាំងដែលទទួលបានការសរសើរពីសម្តេចតេជោ ហ៊ុន សែន ដោយមិននឹកស្មានថាសម្តេចចាប់អារម្មណ៍នូវចម្រៀង “ស្ពានសាងស្នេហ៍” ដែលអ្នកទាំងពីរបានច្រៀងឡើងនោះទេ។

សុវណ្ណណូ បានបន្តថា «នេះគឺជាមហាកិត្តិយសរបស់ខ្ញុំទាំងពីរ និងក្រុមគ្រួសារខ្លាំងណាស់ដែលបានសម្តេចតា (សម្តេចតេជោ ហ៊ុន សែន) សរសើរដល់ពួកខ្ញុំ ខ្ញុំសូមអរគុណដល់សម្តេចតាដែលបានមានប្រសាសន៍ណែនាំ និងឧបត្ថម្ភថវិការយៈពេល ៤ឆ្នាំ សម្រាប់ពួកចៅៗដើម្បីបានបន្តការសិក្សានៅសាកលវិទ្យាល័យផ្នែកច្បាប់»។

សូមបញ្ជាក់ថា សម្តេចតេជោ ហ៊ុន សែន នៅយប់ថ្ងៃទី២១ ខែសីហា ឆ្នាំ២០២៤ បានថ្លែងការកោតសរសើរចំពោះកូនភ្លោះទាំង ២រូប ដែលបានលើកយកបទ “ស្ពានសាងស្នេហ៍” ដែលជាចម្រៀងនិពន្ធដោយសម្តេចផ្ទាល់ទាក់ទងនឹងជីវិតសម្តេចទាំងទ្វេ៕

អត្ថបទ៖ ចាន់រ៉ា