ជីវិតកម្សាន្ដ

មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន

បានផុស

២ years មុន

នៅ

ថ្ងៃសៅរ៍ ៣០ វិច្ឆិកា ២០២៤

ដោយ

តារាសម្តែង Jung Woo Sung ដែលទើបតែត្រូវបានបញ្ចប់នៅក្នុងរឿងអាស្រូវឪពុក បានបង្ហាញខ្លួនជាសាធារណៈនៅក្នុងកម្មវិធី 45th Blue Dragon Film Awards ដែលធ្វើឡើងនៅថ្ងៃទី ២៩ ខែវិច្ឆិកា កន្លងទៅនេះ។ យ៉ាងណា តាមរយៈកម្មវិធីមួយនេះលោកបានលើករឿងផ្ទាល់ខ្លួនដែលពាក់ព័ន្ធនឹងរឿងអាស្រូវមកនិយាយដូចជាសន្និសីទកាសែតដាច់មុខ។

ភាពយន្ត «12.12: The Day» ដែលដឹកនាំដោយ Kim Sung Su ត្រូវបានទទួលស្គាល់ថាជាភាពយន្តដែលមានអ្នកមើលច្រើនជាងគេប្រចាំឆ្នាំ។ ក្នុងនាមជាតួសម្តែងឈានមុខគេក្នុងរឿងនេះ តារាប្រុសបានឈានទៅថ្លែងសុន្ទរកថានៃការដឹងគុណដល់មនុស្សគ្រប់គ្នា។ គាត់បាននិយាយថា «ថ្ងៃនេះខ្ញុំមកទីនេះ សង្ឃឹមថារឿងផ្ទាល់ខ្លួនរបស់ខ្ញុំមិនបន្សល់ទុកនូវភាពអវិជ្ជមានលើខ្សែភាពយន្ត ‘12.12: The Day’ ឬអ្នកដែលចូលរួមក្នុងការផលិតនោះទេ។ ខ្ញុំក៏សូមអភ័យទោសយ៉ាងជ្រាលជ្រៅចំពោះការបង្កក្តីបារម្ភ និងការខកចិត្តដល់អ្នកទាំងអស់គ្នា។ អ្នកដែលគាំទ្រខ្ញុំ និងមានការរំពឹងទុកពីខ្ញុំ ខ្ញុំនឹងជាអ្នកទទួលខុសត្រូវទាំងអស់ក្នុងនាមជាឪពុក ហើយខ្ញុំនឹងបំពេញកាតព្វកិច្ចចំពោះកូនខ្ញុំរហូតដល់ចប់»។

ទោះជាយ៉ាងណាក៏ដោយ ការលើកឡើងរបស់តារាប្រុសវ័យ៥១ឆ្នាំ មិនត្រូវបានទទួលការពេញចិត្តពីទស្សនិកជននោះទេ ខណៈដែលមនុស្សជាច្រើនបានរិះគន់គាត់ចំពោះថាលោកបែរជាចាត់ទុកពានរង្វាន់ Blue Dragon Awards ជាសន្និសីទសារព័ត៌មានផ្ទាល់ខ្លួន។ ពួកគេក៏បានស្តីបន្ទោសគាត់ចំពោះការមិននិយាយអំពីទស្សនិកជនដែលបានរួមចំណែកដល់ការទទួលស្គាល់ 12.12: The Day ថាជាខ្សែភាពយន្តដែលមានអ្នកមើលច្រើនជាងគេប្រចាំឆ្នាំ ជំនួសមកវិញការចំណាយពេលក្នុងអំឡុងពេលពិធីនេះដើម្បីដោះស្រាយរឿងអាស្រូវផ្ទាល់ខ្លួនរបស់គាត់។

ក្រុមអ្នកលេងអ៊ីនធឺណិតបានបញ្ចេញមតិថា ការដែលគាត់និយាយនោះគឺជាការរំខានដល់ក្រុមការងាររបស់ភាពយន្តមួយនេះ។ ហេតុអ្វីបានជាគាត់សុំទោសចំពោះបញ្ហាផ្ទាល់ខ្លួនរបស់គាត់នៅទីនេះទៅវិញ។ គ្រាន់តែសុំការអភ័យទោស ចាំបាច់អីនិយាយនៅលើឆាក សរសេរតែសំបុត្រដៃមួយ ហើយបង្ហោះវាទៅក្នុង Instagram ឬអ្វីម្យ៉ាង ហេតុអ្វីគាត់និយាយអ្វីដែលមិនចាំបាច់នៅចំពោះមុខមិត្តរួមការងារ។

មិនត្រឹមប៉ុណ្ណឹងទេ ទស្សនិកជនជាច្រើនបានបញ្ចេញមតិទៀតថា នេះមិនមែនជាសន្និសីទកាសែតផ្ទាល់ខ្លួនរបស់គាត់ទេ។ គាត់គួរនិយាយភាពយន្តដែលកំពូងល្បីនិងដឹងគុណក្រុមការងារវិញ។ ជាងនេះទៅទៀត អ្នកលេងអ៊ីនធឺណេតជាច្រើនបានដឹកនាំពាក្យរិះគន់ទៅកាន់កម្មវិធី 45th Blue Dragon Awards នៅ ចំពោះការខកខានមិនបាន បំពេញកាតព្វកិច្ចត្រឹមត្រូវរបស់ខ្លួនចំពោះឧស្សាហកម្មភាពយន្ដកូរ៉េ ដោយទុកពេលឲ្យJung Woo Sung សុំទោសចំពោះរឿងផ្ទាល់ខ្លួនរបស់គាត់ ប៉ុន្តែមិនខំប្រឹងប្រែងដើម្បី សូមរំលឹកដល់អតីតតារាសម្ដែង Kim Soo Mi ដែលបានលាចាកលោកកាលពីថ្ងៃទី ២៥ ខែតុលា៕