ដេត ស្រីនាឌ តំណាងកម្ពុជា បង្ហាញខ្លួនលើឆាកលំដាប់អន្តរជាតិនៅវៀតណាមយ៉ាងជឿជាក់

អតីតបវរកញ្ញា Miss Planet Cambodia 2024 កញ្ញា ដេត ស្រីនាឌ ខណ:ដែលបានឱកាសស្ដារកេរ្តិ៍ឈ្មោះឡើងវិញនោះថ្មីៗនេះនាងបានលេចវ ត្តមាននភលើឆាកលំដាប់អន្តរជាតិនាប្រទេសវៀតណាម ធ្វើឱ្យអ្នកគាំទ្រសរសើរ។

ប្រាកដណាស់មុនពេលចាកចេញពីប្រទេសកម្ពុជា ដេត ស្រីនាឌ ធ្លាប់បានប្រកាសតាំងចិត្តខ្ពស់ក្នុងការប្តេជ្ញាឆន្ទ:របស់ខ្លួន ដើម្បីនាំយកទង់ជាតិកម្ពុជាទៅកាន់ពិភពលោកម្តងទៀត។ តួយ៉ាងថ្មីៗកន្លងទៅនេះ នាងក៏ទទួលបានឱកាសស្ដារកេរ្តិ៍ឈ្មោះឡើងវិញលើវិស័ យបវរកញ្ញា។

លើសពីនេះ ដេត ស្រីនាឌ ត្រូវបានជ្រើសរើសជាតារាបង្ហាញម៉ូដតំណាងឱ្យកម្ពុជាក្នុងចូលរួមក្នុងកម្មវិធី Global Student Fashion Week នៅឯប្រទេសវៀតណាមផងដែរ។ កម្មវិធី Global Student Fashion Week គឺជាកម្មវិធីលំដាប់អន្តរជាតិដ៏ធំមួយដែលរៀបចំឡើងនៅប្រទេសវៀតណាម ចាប់ពីថ្ងៃទី ១៧ ខែមីនា ឆ្នាំ២០២៥ ដោយមានការចូលរួមពីតារាបង្ហាញម៉ូដល្បីៗជុំវិញពិភពលោក។

នៅក្នុងកម្មវិធីនេះដែរ សម្រាប់តារាបង្ហាញម៉ូដតំណាងកម្ពុជាកញ្ញា ដេត ស្រីនាឌ បានធ្វើឱ្យទស្សនិកជនចាប់អារម្មណ៍ខ្លាំងពិសេសក៏ឆក់បានការគាំទ្រច្រើនដោយនាងបានដើរបង្ហាញខ្លួនក្នុងឈុតសម្លៀកបំពាក់ប្រពៃណីវៀតណាមយ៉ាងជឿជាក់។

គួរបញ្ជាក់ថា មុនពេលចេញទៅវៀតណាម ដេត ស្រីនាឌ បានអះអាងថា នាងនឹងលើកទង់ជាតិកម្ពុជាម្តងទៀត​ទៅកាន់ពិភពលោក នាងពិតជារំភើបដែលត្រូវបានជ្រើសរើស ជាតារាបង្ហាញម៉ូតតំណាងឱ្យកម្ពុជានៅឯប្រទេសវៀតណាម ក្នុងចំណោមតារាបង្ហាញម៉ូតជុំវិញពិភពលោក នៅក្នុងកម្មវិធី Global Student Fashi on Week៕ អត្ថបទ៖ ចាន់រ៉ា