អ៉ីវ៉ា ស្នើកសិករខ្មែរនិងឈ្មួញកណ្តាល កុំឆ្លៀតឱកាសក្នុងកាលៈទេសៈបច្ចុប្បន្ន ហើយបន្តរក្សាតម្លៃកសិផលឱ្យសមរម្យ

តារាចម្រៀងកញ្ញ ឃីន ស្រីនាថ ហៅ អ៉ីវ៉ា បានចេញមុខអំពាវនាវនិងសំណូមពរដោយទទូចដល់កសិករខ្មែរ និង បណ្តាឈ្មួញកណ្តាលកុំឆ្លៀតឱកាសដំឡើងថ្លៃទំនិញផ្សេងៗដោយរក្សាតម្លៃកសិផលឱ្យសមរម្យ ខណ:ដែលកម្ពុជានិងថៃកំពុងមានបញ្ហាប្រឈមដាក់គ្នា។

តារាចម្រៀងរូបស្រស់កញ្ញា អ៉ីវ៉ា សំណូមពរប្រជាកសិករខ្មែរនិងឈ្មួញកណ្តាល កុំឈ្លៀតឱកាសនិងរក្សាតម្លៃកសិផលក្នុងតម្លៃសមរម្យដើម្បីខ្មែរយើងទាំងអស់គ្នា ខ្មែរជួយខ្មែរ ខ្មែរមានសាមគ្គីភាពខ្មែរស្រលាញ់ខ្មែរ។

កញ្ញា អ៉ីវ៉ា បាននិយាយបន្ថែមទៀតថា “ជួយ Share គ្នាដើម្បីបង្ហាញពីសាមគ្គីភាពខ្មែរនិងខ្មែរ សូមចាប់ផ្តើមពីពួកយើងទាំងអស់គ្នាឱ្យតែមានសាមគ្គីភាពខ្ញុំជឿជាក់ថាពួកគាត់នឹងយល់។ ខ្ញុំដឹងថាពិបាកតែត្រូវតែចាប់ផ្ដើមពីពួកយើងទាំងអស់គ្នា”។

តាមរយ:ការអំពាវនាវខាងលើនេះ គេសង្កេតឃើញមានមហាជនមួយចំនួនបានបង្ហាញការគាំទ្រនូវការលើ ឡើងរបស់តារាស្រីកញ្ញា អ៉ីវ៉ា គ្រប់គ្នា។

តារាចម្រៀងស្រីកញ្ញា ឃីន ស្រីនាថ ហៅ អ៉ីវ៉ា បច្ចុប្បន្នក្រៅពីការមមាញឹកលើអាជីពសិល្ប: តាមរយ:ការចេញច្រៀងតាមបណ្តាខេត្តនានា គឺតារាស្រីរូបនេះក៏មានមុខរបរផ្ទាល់ខ្លួនដោយលក់ផលិតផលតាមអនឡាញដូចអ្នកសិល្ប:ដទៃដែរ៕ ចាន់រ៉ា