តារាប្រុស ២រូប ស្នើអ្នកមានឥទ្ធិពលរួមគ្នាបញ្ចេញសំឡេង ខណ:សៀមកំពុងលាបពណ៌ខ្មែរពេញ IG និង X កុហកពិភពលោក

ថ្វីត្បិតស្ថានការណ៍នៅតាមបន្ទាត់ព្រំដែនមា នសភាពធូរស្រាលបន្តិចក្រោយផ្ទុះសង្គ្រាមឈ្លានពា នពីសំណាក់កងទ័ពចោរសៀមមកលើទឹកដីកម្ពុជាតែអ្វីដែលធ្វើឲ្យប្រជាជនកម្ពុជាមានក្តីព្រួយបារម្ភនោះ គឺក្រុមសៀមជ្រុលនិយមថៃកំពុងតែប្រើប្រាស់បណ្តាញ សង្គមនានាជាគោលដៅវាយហារនិងទម្លាក់កំហុសមកលើប្រទេសកម្ពុជា។

ដោយសង្កេតឃើញបែបនេះតារាប្រុសល្បីៗឈ្មោះរបស់ខ្មែរចំនួន ២រូប បានចេញមកស្នើយ៉ាងទទូចចំពោះអ្នកមានឥទ្ធិពលនៅលើបណ្តាញសង្គមរបស់កម្ពុជា រួមគ្នាប្រើភាសាបរទេសប្រាប់ទៅកាន់ពិភពលោករឿងចោរសៀមឈ្លានពានទឹកដីរបស់ប្រទេសកម្ពុជា។

លោក ឆឹម សក្កដា បានបញ្ជាក់ថា “លោកត្រូវការអ្នកពូកែ អង់គ្លេស ថៃ ដើម្បីជួយគ្នាវាយបកព័ត៌មានក្លែងក្លាយរបស់ខ្មាំងលើ Social និងត្រូវការបងប្អូនស្ម័គ្រចិត្តចាំបាច់ណាស់វាកំពុង Drama វាយប្រហារយើងខ្លាំងណាស់”។

លោក ឆឹម សក្កដា បានបន្តថា “ដរាបណាកងទ័ពជួរមុខនៅតែឈរជើងបងប្អូនជនភៀសសឹកនៅតែមិនទាន់អាចត្រលប់ទៅផ្ទះវិញ ពួកយើងនៅតែធ្វើមូនិធិបន្ដពួកយើងចាប់ផ្ដើមប្រជុំបន្ទាន់ ដើម្បីរៀបចំបន្ថែមនូវទី តាំង៩កន្លែង ដើម្បីងាយស្រួយសប្បុរសជនក្នុងការបរិច្ចាគចាប់ពីថ្ងៃស្អែកនេះ។ ពួកយើងក៏ត្រូវការបងប្អូនអ្នកមានឥទ្ធិពលលើបណ្ដាញសង្គមជួយចូលរួមជាមួយគ្នាផងដែរ”។

ចំណែកតារាចម្រៀងលោក ឃុំ ប៉ុណ្ណាដែត បាននិយាយដែរថា “បងប្អូនដែលអាចប្រើភាសាបរទេសបានគ្រប់ភាសា សូមធ្វើវីដេអូជាភាសាបរទេសផ្ញើរជូនទៅកាន់ពិភពលោកតាមអ្វីដែលយើងអាចធ្វើបាន។ លោកថាដោយសារនៅលើ Facebook ខ្មែរមានប្រៀបជាងឥឡូវ ពួកវារត់ទៅ IGនិងXហើយសូមបងប្អូនខ្មែរយើងចូលការពារនៅ IG និង X កុំអោយចោរឈ្លានពានលាបពណ៌យើងបាន”៕ ចាន់រ៉ា