ល្អហួស រំលឹកគ្រាប្រកួតដណ្តើមមកុដនៅថៃ និងប្រាប់ហេតុផលដែលអាចប្រើភាសាថៃបាន តែមិននិយាយ

អតីតម្ចាស់មកុដបរវកញ្ញាយុវតីកម្ពុជា ឆ្នាំ២០២៣ ជូរី ល្អហួស ដែលកន្លងទៅដណ្តើមបានមកុដ Miss Preteen Junior Idol World 2024 ចេញមករំលឹកថា ពេលដែលនាងចេញទៅប្រកួតដណ្តើមមកុដនៅប្រទេសថៃ គឺខ្លួនអាចនិយាយថៃបាន ប៉ុន្តែដាច់ខាតនាងមិននិយាយព្រោះយល់ថាគ្មានតម្លៃទេ។

បវរកញ្ញា ជូរី ល្អហួសបានបញ្ជាក់ប្រាប់មូលហេតុថា ដោយសារតែនាងស្គាល់ច្បាស់ពីសន្តានចោរសៀមហើយនាងមានមោទនភាពខ្លាំងណាស់ដែលឈ្នះមកុដលើទឹកដីសៀម ជាពិសេសកាន់ដៃជាមួយសៀម យកឈ្នះសៀមយកជោគជ័យជូនជាតិមាតុភូមិ។

ល្អហួស បានលើកឡើងថា “ពេលនាងខ្ញុំទៅប្រកួតដណ្តើមមកុដនៅប្រទេសសៀម នាងខ្ញុំអាចនិយាយភាសាសៀមបានពេលដែលនាងខ្ញុំប្រកួតនៅទីនោះប៉ុន្តែនាងខ្ញុំមិននិយាយជាដាច់ខាតដោយសារតែ ភាសារសៀមវាគ្មានតម្លៃដែលឱ្យនាងខ្ញុំត្រូវនិយាយ”។

ជាការពិតក្នុងនាមកូនខ្មែរមួយរូប ជូរី ល្អហួស ជារឿយៗតែងបានបង្ហាញការប្តេជ្ញាចិត្ត ដើម្បីចូលរួមផ្សព្វផ្សាយលើកស្ទួយនូវមរតកវប្បធម៌និងទេសចរណ៍ទៅលើឆាកជាតិឆាកអន្តរជាតិ។

គួរ​បញ្ជាក់​ដែរថា កន្លង​មកសម្ដេច​អគ្គមហាសេនាបតី​ តេ​ជោ​ ហ៊ុន សែន ប្រធាន​ព្រឹទ្ធសភា​នៃ​ព្រះរាជាណាចក្រ​កម្ពុជាក៏​ធ្លាប់​ថ្លែង​ការ​កោត​ស​សើរ​ចំពោះល្អហួសផង​ដែរ ចំពោះ​ការ​ខិតខំ​ប្រឹងប្រែង​យក​វប្បធម៌​ខ្មែរ​ទៅ​បង្ហាញ​ដល់​ពិភពលោក​តាម​រយៈ​វេទិការ​ប្រឡង​ជា​អន្តរជាតិ៕ ចាន់រ៉ា