ព័ត៌មានអន្ដរជាតិ

នាយករដ្ឋមន្ត្រីជប៉ុនតស៊ូមតិទាមទារឱ្យមានការសាងសង់បង្គន់បន្ថែមនៅក្នុងសភាសម្រាប់ស្ត្រី

បានផុស

៧ ខែ មុន

នៅ

ថ្ងៃសៅរ៍ ៣ មករា ២០២៦

ដោយ

នាយករដ្ឋមន្ត្រីជប៉ុន លោកស្រី សាណាអេ តាកាអ៊ិឈិ ក្នុងចំណោមសមាជិកសភាស្ត្រីប្រមាណ ៦០នាក់ បានដាក់ញត្តិស្នើសុំបង្គន់ស្ត្រីបន្ថែមទៀតនៅក្នុងអគារសភា ដើម្បីឱ្យស្របទៅនឹងតំណាងរាស្រ្តស្រ្តីដែលកំពុងកើនឡើងនៅក្នុងសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន BBC, សមាជិកសភាបក្សប្រឆាំងម្នាក់ លោកស្រី Yasuko Komiyama និយាយថា បន្ទប់ទឹកនៅឆ្ងាយពេក ពិបាកទៅមកណាស់ក្នុងករណីមានការប្រជុំយូរម៉ោង។ ចំណែកសមាជិកសភាស្រ្តីម្នាក់ទៀតក៏និយាយដែរថា លោកស្រីសុខចិត្តមិនទៅបន្ទប់ទឹក មុនពេលសម័យប្រជុំចាប់ផ្តើម។

តែយ៉ាងណាក្នុងសភាមានបង្គន់សម្រាប់ស្រីតែមួយប៉ុណ្ណោះ ទោះបីជាអគារទាំងមូលមានបង្គន់ស្រីចំនួន៩ ដែលមាន ២២បន្ទប់ផ្សេងគ្នាក៏ដោយ វានៅតែមានចំនួនតិចនៅឡើយ។

គួរឱ្យដឹងផងដែរថាអគារសភារបស់ប្រទេសជប៉ុនត្រូវបានសាងសង់ក្នុងឆ្នាំ ១៩៣៦ មួយទសវត្សរ៍មុនពេលស្ត្រីត្រូវបានផ្តល់សិទ្ធិបោះឆ្នោតនៅឆ្នាំ១៩៤៥ ។ ស្ត្រីត្រូវបានតែងតាំងជាលើកដំបូងក្នុងសភានៅឆ្នាំ១៩៤៦៕

ប្រែសម្រួល៖ ណឺ មិនា