សហភាពអឺរ៉ុបពិចារណារឹតបន្តឹងព្រំដែនខ្លាំងជាងមុន ក្រោយការវាយប្រហារជាបន្តបន្ទាប់របស់ក្រុមសកម្មប្រយុទ្ធឥស្លាម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សហភាពអឺរ៉ុបពិចារណារឹតបន្តឹងព្រំដែនខ្លាំងជាងមុន ក្រោយការវាយប្រហារជាបន្តបន្ទាប់របស់ក្រុមសកម្មប្រយុទ្ធឥស្លាម

បានផុស

នៅ

មេដឹកនាំអឺរ៉ុបកាលពីថ្ងៃអង្គារ ទី ១០ ខែវិច្ឆិកា កំពុងពិចារណារឹតបន្តឹងព្រំដែនខាងក្រៅរបស់សហភាពអ៊ឺរ៉ុប (EU) ខណៈដែលពួកគេបានប្តេជ្ញារួមគ្នា បន្ទាប់ពីមានការវាយប្រហារជាច្រើនលើទឹកដីមួយនេះដែលត្រូវបានស្តីបន្ទោសទៅលើក្រុមរ៉ាឌីកាល់ឥស្លាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីបារាំងលោក Emmanuel Macron ដែលបានកោះហៅកិច្ចប្រជុំកំពូល បន្ទាប់ពីអំពើភេរវកម្មថ្មីៗនេះនៅប្រទេសបារាំង និងអូទ្រីសបានអំពាវនាវឲ្យមានការឆ្លើយតប និងសម្របសម្រួលយ៉ាងឆាប់រហ័ស ហើយបានបដិសេធនូវអ្វីដែលលោកបានពិពណ៌នាថាជា “ការប្រើប្រាស់ខុស” នៃបទប្បញ្ញត្តិស្តីពីសិទ្ធិជ្រកកោនរបស់អឺរ៉ុបក្រោមហេតុផលដ៏ថោកទាប ។

មេដឹកនាំបារាំងរូបនេះបានប្រាប់ក្រុមអ្នកសារព័ត៌មាន បន្ទាប់ពីសន្និសីទកាសែតថា “នៅក្នុងប្រទេសទាំងអស់របស់យើង យើងកំពុងមើលឃើញការប្រើសិទ្ធិមិនត្រឹមត្រូវក្នុងការទទួលយកសិទ្ធិជ្រកកោនពីក្រុមជួញដូរមនុស្ស ក្រុមឧក្រិដ្ឋជន ឬប្រជាជនមកពីប្រទេសដែលមិនមានសង្គ្រាម” ។

ចំណែកអធិការបតីអាឡឺម៉ង់លោកស្រី Angela Merkel បានយល់ស្របថា វាជារឿងបន្ទាន់ ហើយចាំបាច់សម្រាប់យើងដើម្បីដឹងថាអ្នកណាចូល និងអ្នកណាចាកចេញពីតំបន់របស់យើង ។

កិច្ចប្រជុំនេះត្រូវបានធ្វើឡើង បន្ទាប់ពីមនុស្ស ៤ នាក់បានស្លាប់នៅក្នុងការបាញ់ប្រហារដ៏សាហាវមួយដោយជនជាតិអូទ្រីស-ម៉ាសេដូនី ២ នាក់នៅចំកណ្តាលក្រុង Vienna កាលពីសប្តាហ៍មុន ។

ទន្ទឹមនោះជនជាតិឥស្លាម Chechen ម្នាក់ដែលមានឋានៈជាជនភៀសខ្លួនបានកាត់ក្បាលគ្រូប្រវត្តិវិទ្យានៅខាងក្រៅទីក្រុងប៉ារីសកាលពីខែមុន ហើយជនជាតិទុយនីស៊ីម្នាក់ដែលមកប្រទេសបារាំងតាមទូកជនអន្តោប្រវេសន៍ បន្ទាប់មកបានសម្លាប់មនុស្ស ៣ នាក់នៅព្រះវិហារមួយនៅទីក្រុង Nice ខណៈបទឧក្រិដ្ឋនេះបានជំរុញឲ្យមានការជជែកវែកញែកអំពីការគ្រប់គ្រងការចូលរបស់ជនទាំងនោះ ៕

ប្រែសម្រួលដោយ ៖ ជីវ័ន្ត

ប្រភព ៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទី មុន

អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

កីឡា១៤ នាទី មុន

ប៉ែន សុ​គង់ ធ្វើការ​ហ្វឹកហាត់​យ៉ាងសកម្ម​លើ​ទីលាន​មុន​ការប្រកួត​មក ដល់​នា​ល្ងាច​ថ្ងៃ​៣១​កក្កដា​ខាងមុខនេះ​

ព័ត៌មានជាតិ១៤ នាទី មុន

សម្ដេច ស ខេង ឱ្យពន្យារពេល រៀបចំវេទិកាផ្សព្វផ្សាយ​ និងពិគ្រោះយោបល់​របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ

កូវីដ-១៩១៦ នាទី មុន

អាជ្ញាធរខណ្ឌមានជ័យ និងក្រសួងការងារ រកឃើញ បុគ្គលិកធនាគារ៩នាក់ វិជ្ជមានកូវីដ-១៩

ព័ត៌មានអន្ដរជាតិ១៦ នាទី មុន

ជាក្ដីសង្ឃឹមដល់ប្រជាជននៅជុំវិញពិភពលោក ម៉ាឡេស៊ី អនុម័តថ្នាំថ្មីព្យាបាលជំងឺកាចសាហាវមួយនេះក្នុងតម្លៃសមរម្យ

Sokha Hotels

ព័ត៌មានពេញនិយម

Helistar Cambodia - Helicopter Charter Services