ព័ត៌មានអន្ដរជាតិ
EU ប្រកាសផ្ដល់កញ្ចប់ជំនួយ ៨ ពាន់លានដុល្លារដល់ អេហ្ស៊ីប ដោះស្រាយបញ្ហាលំហូរជនចំណាកស្រុក
សហភាពអឺរ៉ុប (EU) បានប្រកាសកញ្ចប់ជំនួយចំនួន ៧.៤ ពាន់លានអឺរ៉ូស្មើនឹង ៨.០៦ ពាន់លានដុល្លារដល់ប្រទេសអេហ្ស៊ីបជាផ្នែកមួយនៃកិច្ចព្រមព្រៀងថ្មីដើម្បីទប់ស្កាត់លំហូរជនចំណាកស្រុកទៅកាន់អឺរ៉ុប បន្ទាប់ពីត្រូវបានរិះគន់ដោយក្រុមសិទ្ធិមនុស្ស ។ នេះបើយោងតាមការចេញផ្សាយរបស់សារពត៌មាន Al Jazeera កាលពីថ្ងៃទី១៧ ខែមីនាកន្លងទៅ ។
កិច្ចព្រមព្រៀងនេះគ្រោងនឹងចុះហត្ថលេខាក្នុងអំឡុងដំណើរទស្សនកិច្ចរបស់ប្រធានគណៈកម្មការអឺរ៉ុបលោកស្រី Ursula von der Leyen និងមេដឹកនាំនៃប្រទេសបែលហ្ស៊ិក អ៊ីតាលី អូទ្រីស ស៊ីប និងក្រិក ខណៈមុនពេលពិធីចុះហត្ថលេខាលោកប្រធានាធិបតីអេហ្ស៊ីប Abdel Fattah el-Sisi ក៏បានជួបដាច់ដោយឡែកជាមួយលោកស្រី von der Leyen និងមេដឹកនាំអឺរ៉ុបផ្សេងទៀតផងដែរ ។
ការផ្តល់មូលនិធិនោះរួមមាន ៥ ពាន់លានអឺរ៉ូ ស្មើនឹង ៥.៤៥ ពាន់លានដុល្លារជាប្រាក់កម្ចីសម្បទាន និង ១.៩៦ ពាន់លានដុល្លារសម្រាប់ការវិនិយោគ ។ ចំណែក ៦៥៤ លានដុល្លារទៀតនឹងត្រូវបានផ្តល់ជាជំនួយ រួមទាំង ២១៨ លានដុល្លារសម្រាប់ការគ្រប់គ្រងបញ្ហាចំណាកស្រុក ខណៈបច្ចុប្បន្នមានជនចំណាកស្រុកចំនួន ៩ លាននាក់ រួមទាំងប្រហែល ៤៨ ម៉ឺននាក់ជាជនភៀសខ្លួនដែលបានចុះបញ្ជីជាមួយទីភ្នាក់ងារជនភៀសខ្លួនរបស់អង្គការសហប្រជាជាតិ ។
ទន្ទឹមនោះ កញ្ចប់ជំនួយទាំងនេះរួមមានទាំងជំនួយឥតសំណង និងប្រាក់កម្ចីក្នុងរយៈពេល ៣ ឆ្នាំខាងមុខដើម្បីធ្វើឲ្យប្រសើរឡើងនូវទំនាក់ទំនងរបស់សហភាពអឺរ៉ុបជាមួយប្រទេសដែលមានប្រជាជនច្រើនបំផុតនៅអារ៉ាប់ទៅជា “ភាពជាដៃគូយុទ្ធសាស្ត្រ” ។
គួរបញ្ជាក់ថា កិច្ចព្រមព្រៀងនេះកើតឡើង ចំពេលមានការព្រួយបារម្ភកាន់តែខ្លាំងឡើងថា ការវាយលុករបស់អ៊ីស្រាអែលទៅលើទីក្រុងរ៉ាហ្វា ភាគខាងត្បូងតំបន់ហ្គាហ្សា អាចបង្ខំប្រជាជនប៉ាឡេស្ទីនរាប់សែននាក់ធ្វើចំណាកស្រុកចូលទៅក្នុងឧបទ្វីប Sinai របស់ប្រទេសអេហ្ស៊ីប ៕
អត្ថបទ ៖ ប៊ុន សុភាព
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ