រុស្ស៊ី ដាក់ឈ្មោះចំៗអ្នកនៅពីក្រោយការផ្សព្វផ្សាយបង្អាប់វ៉ាក់សាំង Sputnik V
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រុស្ស៊ី ដាក់ឈ្មោះចំៗអ្នកនៅពីក្រោយការផ្សព្វផ្សាយបង្អាប់វ៉ាក់សាំង Sputnik V

បានផុស

នៅ

ប្រមុខមូលនិធិវិនិយោគ ដែលគាំទ្រការអភិវឌ្ឍរុស្ស៊ី បានអះអាងថា យុទ្ធនាការឃោសនាមួយ នៅក្នុងប្រព័ន្ធផ្សព្វផ្សាយលោកខាងលិច ដើម្បីធ្វើឲ្យអន្តរាយដល់ទំនុកចិត្ត លើវ៉ាក់សាំង Sputnik V កំពុងបង្កការប៉ះពាល់ដល់កេរ្តិ៍ឈ្មោះរបស់វ៉ាក់សាំងនេះ ទាំងនៅក្នុងប្រទេស និងនៅបរទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kirill Dmitriev នៃមូលនិធិវិនិយោគផ្ទាល់របស់សហព័ន្ធរុស្ស៊ី (RDIF) ដែលបានផ្តល់ហិរញ្ញប្បទាន ដល់ការស្រាវជ្រាវនៅវិទ្យាស្ថាន Gamaleya នៃទីក្រុងមូស្គូ បានធ្វើការចោទប្រកាន់ការផ្សព្វផ្សាយដ៏ធំនេះ នៅក្នុងបទសម្ភាសន៍ជាមួយកាសែត RBK ដែលចេញផ្សាយកាលពីថ្ងៃសុក្រ ។ លោកបានស្តីបន្ទោសការផ្សព្វផ្សាយ ដែលត្រូវបានចេញផ្សាយ ដោយអ្នកយកព័ត៌មានបរទេសមួយចំនួនថា វាមិនត្រឹមតែធ្វើឲ្យប៉ះពាល់ ដល់ការចាក់វ៉ាក់សាំង Sputnik V ប៉ុណ្ណោះទេ ប៉ុន្តែវាក៏ធ្វើឲ្យប្រជាជនរុស្ស៊ី ស្ទាក់ស្ទើរក្នុងការចុះឈ្មោះ ចាក់វ៉ាក់សាំងនេះផងដែរ ។

នៅពេលត្រូវបានសួរអំពី អត្រាចាក់វ៉ាក់សាំងទាបរបស់ប្រទេសរុស្ស៊ី លោកបាននិយាយថា មូលហេតុដំបូង នៃការយឺតយ៉ាវក្នុងការចាក់វ៉ាក់សាំង គឺមកពី “យុទ្ធនាការផ្សព្វផ្សាយពត៌មានមិនពិត ត្រូវបានចាប់ផ្តើមប្រឆាំងនឹងវ៉ាក់សាំង Sputnik V តាំងពីដំបូងមក” ។ លោកបាននិយាយថា “ក្រុមនៅពីក្រោយការផ្សព្វផ្សាយការចាក់វ៉ាក់សាំង គឺជាក្រុមហ៊ុនឱសថ Big Pharma ក៏ដូចជា ក្រុមអ្នកនយោបាយប្រឆាំងនឹងរុស្ស៊ី” ។

លោក Kirill Dmitriev

លោក Dmitriev បានបន្ថែមទៀតថា “យើងឃើញការវាយប្រហារ ទៅលើវ៉ាក់សាំង Sputnik V ជាចំបងនៅក្នុងសារព័ត៌មាន Anglo-Saxon” ។ លោកបានបញ្ជាក់ថា “នេះគឺមានគោលបំណង កាត់បន្ថយអត្រាចាក់វ៉ាក់សាំង នៅក្នុងប្រទេសរុស្ស៊ី និងបង្កើនការសង្ស័យអំពីវ៉ាក់សាំងរុស្ស៊ី” ។

មូលហេតុមួយទៀត សម្រាប់អត្រាទាបនៃការចាក់វ៉ាក់សាំង ប្រធានហិរញ្ញវត្ថុរូបនេះបានអះអាងថា គឺដោយសារប្រទេសនេះ បានទទួលជោគជ័យក្នុងការប្រយុទ្ធប្រឆាំងនឹងជំងឺកូវីដ ១៩ ពោលចំនួនករណីឆ្លង បានកើនឡើងប្រហែលមួយភាគបីប៉ុណ្ណោះ ខណៈប្រទេសដែលលោករិះគន់ មានករណីឆ្លងរហូតដល់កំពូល ។

លោក Dmitriev បានអះអាងថា “វិធីសាស្រ្តក្នុងការទទួលការចាក់វ៉ាក់សាំង គួរតែដូចជាការដុសធ្មេញរបស់អ្នក ។ មានន័យថា អ្នកប្រហែលជាជ្រើសរើសមិនដុសធ្មេញរបស់អ្នក ប៉ុន្តែនោះមិនត្រូវបានទទួលយកដោយសង្គមនោះទេ ។ ហើយអ្នកដែលមិនបានចាក់វ៉ាក់សាំង មិនត្រឹមតែមានហានិភ័យធំធេងប៉ុណ្ណោះទេ ប៉ុន្តែវាក៏នាំវីរុសឆ្លងទៅអ្នកដែលនៅក្បែរ និងមនុស្សជាទីស្រឡាញ់ របស់អ្នកផងដែរ” ។

អ្នកអត្ថាធិប្បាយ និងអ្នកសារព័ត៌មានលោកខាងលិចមួយចំនួន បានអះអាងថា វ៉ាក់សាំងផលិតក្នុងស្រុករបស់រុស្ស៊ី កំពុងត្រូវបាននាំចេញ ជាផ្នែកមួយនៃកិច្ចខិតខំប្រឹងប្រែង ដើម្បីពង្រឹងឥទ្ធិពលនយោបាយ របស់ប្រទេសនេះនៅបរទេស ។ អ្នកខ្លះបាននិយាយថា គោលបំណងចំបងរបស់រុស្ស៊ី គឺបញ្ជូនឧបករណ៍ដ៏មានគ្រោះថ្នាក់នេះ ទោះបីជាភស្តុតាងដែលត្រូវបានពិនិត្យឡើងវិញបង្ហាញថា វាមានសុវត្ថិភាព និងការពារប្រឆាំងនឹងវីរុស បានយ៉ាងមានប្រសិទ្ធភាពក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ពូទីន លេងខ្លាំងៗដល់ប្រទេសមួយចំនួនដែលមិនប្រើប្រាស់វ៉ាក់សាំងរបស់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៦ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ៨ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ៩ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ៩ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services