Connect with us

ព័ត៌មានអន្ដរជាតិ

ក្រុមហ៊ូទី បើកដៃឲ្យនាវា រុស្ស៊ី-ចិន ធ្វើដំណើរតាមសមុទ្រក្រហមដោយសេរី កុំខ្លាចការវាយប្រហារ

បានផុស

នៅ

ក្រុមសកម្មប្រយុទ្ធហ៊ូទីដែលមានមូលដ្ឋាននៅប្រទេសយេម៉ែនបានខ្សឹបប្រាប់រុស្ស៊ី និងចិនថា កប៉ាល់របស់មហាអំណាចទាំងពីរអាចធ្វើដំណើរឆ្លងកាត់សមុទ្រក្រហម និងសមុទ្រ Aden បានដោយសេរី ហើយមិនចាំបាច់ភ័យខ្លួនពីការវាយប្រហារណាមួយនោះឡើយ ។ នេះបើយោងតាមការចេញផ្សាយដោយសារព័ត៌មាន Bloomberg កាលពីសប្ដាហ៍មុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលដឹងឮពីបញ្ហានេះបានប្រាប់សារព័ត៌មានអាមេរិកខាងលើទៀតថា ការសម្របសម្រួលមួយនេះត្រូវបានធ្វើឡើង ក្នុងអំឡុងពេលកិច្ចពិភាក្សានៅប្រទេសអូម៉ង់ដែលមានការអញ្ជើញចូលរួមពីសំណាក់អ្នកការទូតរុស្ស៊ី និងចិន រួមជាមួយអ្នកមុខអ្នកការផ្នែកនយោបាយរបស់ក្រុមហ៊ូទី ក្នុងទិសដៅចង់ឲ្យមហាអំណាចទាំងពីរផ្ដល់កិច្ចគាំទ្រផ្នែកនយោបាយសម្រាប់ក្រុមប្រដាប់អាវុធមួយនេះនៅក្នុងស្ថាប័នអន្តរជាតិដូចជា ក្រុមប្រឹក្សាសន្តិសុខអង្គការសហប្រជាជាតិ ជាដើម ។

ចាប់តាំងផ្ទុះភ្លើងសង្គ្រាមនៅតំបន់ហ្គាហ្សាមក ក្រុមហ៊ូទីបានបើកប្រតិបត្តិការវាយប្រហារដោយយន្តហោះគ្មានមនុស្សបើក និងបាញ់មីស៊ីលរាប់សិបគ្រាប់លើនាវាពាណិជ្ជកម្មឆ្លងកាត់សមុទ្រក្រហម ដោយរំខានដល់ចរាចរណ៍ដឹកជញ្ជូនតាមច្រករបៀងសមុទ្រដ៏សំខាន់បំផុតមួយរបស់ពិភពលោក ។ ជាលទ្ធផល ក្រុមហ៊ុនដឹកជញ្ជូនធំៗជាច្រើនលែងចរាចរណ៍តាមព្រែកជីកស៊ុយអេ ហើយងាកទៅធ្វើនាវាចរណ៍នៅជុំវិញសមុទ្រ Cape of Good Hope នៅអាហ្វ្រិកខាងត្បូង ។

ក្រុមហ៊ូទីបាននិងកំពុងវាយប្រហារលើកប៉ាល់ដែលមានទំនាក់ទំនងជាមួយអ៊ីស្រាអែលដើម្បីបង្ហាញពីសាមគ្គីភាពជាមួយប្រជាជនប៉ាឡេស្ទីនដែលកំពុងរស់នៅរងទុក្ខវេទនាពីភ្លើងសង្គ្រាមនៅតំបន់ហ្គាហ្សា ។ ទោះយ៉ាងណា សហរដ្ឋអាមេរិក និងចក្រភពអង់គ្លេស ក៏បានព្រួតដៃគ្នាបើកការវាយប្រហារយ៉ាងសន្ធាប់លើមូលដ្ឋានរបស់ក្រុមហ៊ូទីក្នុងប្រទេសយេម៉ែនផងដែរ ខណៈជាការឆ្លើយតប ក្រុមនេះក៏បានបាញ់បោះទៅលើនាវាដែលមានទំនាក់ទំនងជាមួយប្រទេសទាំងពីរវិញដូចគ្នា ។

ជាក់ស្ដែងនៅក្នុងឧបទ្ទវហេតុកាលពីដើមខែនេះ មីស៊ីលរបស់ប្រទេសយេម៉ែនបានហោះទៅបុកនាវាពាណិជ្ជករ True Confidence នៅឈូងសមុទ្រ Aden ដែលបណ្តាលឲ្យមានអ្នកស្លាប់ជាលើកដំបូង ចាប់តាំងពីក្រុមហ៊ូទីដកអាវុធមកប្រយុទ្ធ ដោយសារតែក្រុមប្រដាប់អាវុធមួយនេះអះអាងថា នាវា​នោះ​ជារបស់​​អាមេរិក ។ ទោះបីជាយ៉ាងណាក៏ដោយ យោងតាមប្រភព Bloomberg នាវានេះធ្លាប់ជាកម្មសិទ្ធិរបស់ក្រុមហ៊ុន Oaktree Capital ដែលមានមូលដ្ឋាននៅទីក្រុង Los Angeles ប៉ុន្តែមានក្រុមហ៊ុនថ្មីបានយកវាទៅប្រើប្រាស់ជំនួសអាមេរិក ។

គួរបញ្ជាក់ថា ការបាញ់បោះមិនប្រណីដៃរបស់ក្រុមហ៊ូទីដែលមានមូលដ្ឋានទៅប្រទេសយេម៉ែនទៅលើនាវានៅក្នុងតំបន់សមុទ្រ Aden និងសមុទ្រក្រហម បានកាត់បន្ថយការធ្វើនាវាចរណ៍ដឹកជញ្ជូនទំនិញតាមព្រែកជីកស៊ុយអេ ជាផ្លូវទឹកដឹកជញ្ជូនដ៏សំខាន់រវាងអាស៊ី និងអឺរ៉ុប ដែលជាធម្មតាគ្រប់គ្រងប្រហែល ១៥ ភាគរយនៃពាណិជ្ជកម្មសមុទ្ររបស់ពិភពលោក ៕

ដោយ ៖ សុខ ជីវ័ន្ត

ចុចអាន ៖ ធ្លាយតម្រុយទាញ អាមេរិក ជាប់ពាក់ព័ន្ធការវាយប្រហារភេរវកម្មនៅ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៦ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៧ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៧ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៨ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៩ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២១ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ១១ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម