ព័ត៌មានអន្ដរជាតិ

លោក ចូ បៃដិន អបអរនាយករដ្ឋមន្ត្រីអ៉ីស្រាអែលភ្លាម លោក Bennett ឆ្លើយតបភ្លាម

បានផុស

៤ years មុន

នៅ

ថ្ងៃចន្ទ ១៤ មិថុនា ២០២១

ដោយ

លោកប្រធានាធិបតីសហរដ្ឋអាមេរិក ចូ បៃដិន នៅថ្ងៃអាទិត្យម្សិលមិញបានធ្វើការអបអរសាទរភ្លាមៗតែម្តងដល់លោក Naftali Bennett ដែលបានជានាយករដ្ឋមន្ត្រីអ៉ីស្រាអែលថ្មី បន្ទាប់ពីក្រុមសម្ព័ន្ធចម្រុះនៃគណបក្សនានាទទួលបានការទុកចិត្តពីរដ្ឋសភាដើម្បីបង្កើតរដ្ឋាភិបាលថ្មី និងបានបញ្ចប់អំណាច១២ឆ្នាំរបស់លោកនាយករដ្ឋមន្ត្រី Benjamin Netanyahu។

លោក ចូ បៃដិន មានប្រសាសន៍ក្នុងសេចក្តីថ្លែងការណ៍មួយថា ៖«ខ្ញុំសូមអបអរដល់លោកនាយករដ្ឋមន្ត្រីអ៉ីស្រាអែល Naftali Bennett, នាយករដ្ឋមន្ត្រីបន្ទាប់ និងជារដ្ឋមន្ត្រីការបទេស Yair Lapid និងសមាជិកទាំងអស់នៃគណៈរដ្ឋមន្ត្រីអ៉ីស្រាអែលថ្មី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ខ្ញុំទន្ទឹងរង់ចាំធ្វើការជាមួយលោកនាយករដ្ឋមន្ត្រី Minister Bennett ដើម្បីពង្រឹងគ្រប់ទិដ្ឋភាពនៃទំនាក់ទំនងជិតស្និទ្ធ និងស្ថិតស្ថេររវាងប្រទេសទាំងពីរ។ អ៉ីស្រាអែលគ្មានមិត្តល្អជាងអាមេរិកទេ»។ នេះជាការលើកឡើងរបស់លោកប្រធានាធិបតីអាមេរិក។

លោក ចូ បៃដិន បានបន្ថែមថា លោកបានប្តេជ្ញាចិត្តពេញទំហឹងដើម្បីធ្វើការជាមួយរដ្ឋាភិបាលថ្មីដើម្បីបង្កើនសន្តិសុខ ស្ថេរភាព និងសន្តិភាពសម្រាប់ប្រជាជនអ៉ីស្រាអែល ប៉ាឡេស្ទីន និងប្រជាជនទូទាំងតំបន់។

ជាមួយគ្នានេះ លោក Bennett មិននៅចាំយូរគឺឆ្លើយតបវិញភ្លាមៗដែរតាមរយៈ Twitter ដោយនិយាយថា ៖«សូមអរគុណលោកប្រធានាធិបតី! ខ្ញុំក៏ទន្ទឹងរង់ចាំធ្វើការជាមួយលោកដើម្បីពង្រឹងចំណងមិត្តភាពរវាងប្រទេសយ៉ាងទាំងពីរ»៕

អានបន្ថែម៖ ទីបំផុត សម្ព័ន្ធចម្រុះអ៉ីស្រាអែលបានការគាំទ្រពីសភាបញ្ចប់អំណាចលោក Netanyahu

ប្រែសម្រួល៖ វីរបុត្រ
ប្រភព៖ deccanherald