ព័ត៌មានអន្ដរជាតិ

ក្រោយអស់តំណែង លោក Netanyahu ប្តេជ្ញាផ្តួលរំលំរដ្ឋាភិបាលចម្រុះថ្មី ហើយត្រៀមវិលមករកអំណាចវិញ

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

នាយករដ្ឋមន្រ្តីអ៊ីស្រាអែលលោក Benjamin Netanyahu កាលពីថ្ងៃអាទិត្យបានប្តេជ្ញាថា នឹងធ្វើការដើម្បីទម្លាក់រដ្ឋាភិបាលចម្រុះថ្មីវិញ បន្ទាប់ពីត្រូវបានបញ្ចប់តំណែង ក្រោយក្រុមគណបក្សប្រឆាំង ទទួលបានជោគជ័យ ក្នុងការបោះឆ្នោតរដ្ឋសភា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Netanyahu បានព្យាករណ៍ថា រដ្ឋាភិបាលនាពេលខាងមុខ នឹងចុះខ្សោយចំពោះបញ្ហាខាងក្រៅ រួមទាំងមហិច្ឆតានុយក្លេអ៊ែររបស់អ៊ីរ៉ង់ និងសម្ពាធដែលអាចកើតមានរបស់អាមេរិក ក្នុងការធ្វើសម្បទានដល់ប្រជាជនប៉ាឡេស្ទីន ។

រដ្ឋាភិបាលចម្រុះថ្មីនៅអ៊ីស្រាអែល ត្រូវបានគេមើលឃើញថាជាការផ្លាស់ប្តូរដ៏ធំមួយ ព្រោះវាជាការបញ្ចប់អំណាចរយៈពេល ១២ ឆ្នាំសម្រាប់លោក Netanyahu ។

ទន្ទឹមនោះលោក Netanyahu ក៏បានរិះគន់មេដឹកនាំគណបក្សស្ដាំនិយម Yamina គឺលោក Bennett ពីបទរំលោភការសន្យា ដែលលោកបានសន្យាថានឹងមិនចូលរួម ជាមួយរដ្ឋាភិបាលគណបក្សអ៊ីស្រាអែល និងក្រុមឆ្វេងនិយម ។

គួរបញ្ជាក់ថា ក្រោយការបាត់បង់អំណាចនេះ លោក Netanyahu កំពុងប្រឈមមុខនឹងការកាត់ក្តី ពីបទពុករលួយ និងរំលោភលើសេចក្តីទុកចិត្ត ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ទីបំផុត សម្ព័ន្ធចម្រុះអ៉ីស្រាអែលបានការគាំទ្រពីសភាបញ្ចប់អំណាចលោក Netanyahu

ចុចអាន ៖ លោក ចូ បៃដិន អបអរនាយករដ្ឋមន្ត្រីអ៉ីស្រាអែលភ្លាម លោក Bennett ឆ្លើយតបភ្លាម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា