ព័ត៌មានអន្ដរជាតិ
កុំស្ទាក់ស្ទើរទៅចាក់វ៉ាក់សាំង ឥឡូវនេះ នៅអេស្ប៉ាញអ្នកអត់ទាន់ចាក់ឆ្លងកូវីដច្រើនណាស់
អាជ្ញាធរ និងអ្នកជំនាញសុខភាពនៅប្រទេសអេស្ប៉ាញបានអំពាវនាវឲ្យមានការប្រុងប្រយ័ត្ន និងទទួលខុសត្រូវខ្ពស់ចំពេលករណីឆ្លងកូវីដ-១៩ថ្មីស្ទុះងើបឡើងវិញក្នុងចំណោមមនុស្សវ័យក្មេងដែលមិនទាន់បានចាក់វ៉ាក់សាំង បន្ទាប់ពីមានករណីឆ្លងជាង១០០០នាក់ត្រូវបានរកឃើញទូទាំងប្រទេស។
ទោះជាជាងមួយភាគបីនៃប្រជាជន៤៧លាននាក់របស់អេស្ប៉ាញបានចាក់វ៉ាក់សាំងការពារកូវីដ-១៩ពេញលេញហើយក្តី ក៏ចំនួនឆ្លងថ្មីបានកំពុងងើបឡើងវិញក្នុងរយៈពេលប៉ុន្មានថ្ងៃចុងក្រោយនេះ ជាពិសេសក្នុងចំណោមមនុស្សវ័យក្មេងដែលកំពុងរង់ចាំចាក់វ៉ាក់សាំង។
កាលពីល្ងាចថ្ងៃពុធទិន្នន័យបង្ហាញថា ក្នុងចំណោមមនុស្ស១០ម៉ឺននាក់ទូទាំងប្រទេសគិតត្រឹមរយៈពេលពីរសប្តាហ៍កន្លងទៅមានអ្នកឆ្លង ១១៧.៧នាក់គឺបានកើនឡើងពី៩២.៥៧នាក់កាលពីមុនពីរសប្តាហ៍មុន។ ទោះជាយ៉ាងណា មនុស្សដែលមានអាយុ១២ទៅ១៩ឆ្នាំគឺមានអ្នកឆ្លង២៨៧.៨នាក់ក្នុងចំណោមមនុស្ស១០ម៉ឺននាក់ដែលបានកើនឡើងពី៤៤នាក់ ខណៈមនុស្សអាយុ២០ទៅ២៩ឆ្នាំគឺមានអ្នកឆ្លង២៩៣.៣នាក់ក្នុងចំណោមមនុស្ស១០ម៉ឺននាក់កើនពី៤៤នាក់។
រដ្ឋមន្ត្រីក្រសួងសុខាភិបាល លោក Carolina Darias បាននិយាយថា ៖«យើងស្ថិតនៅលើផ្លូវដែលកូវីដ-១៩ជិតដល់ទីបញ្ចប់ហើយ តែយើងមិនអាចបញ្ចប់បាន។ យើងទាំងអស់គ្នាត្រូវតែគោរពវិធានការការពារ»។
លោក Darias និយាយថា កម្មវិធីចាក់វ៉ាក់សាំងនៅតែជាអាវុធដ៏មានឥទ្ធិពលបំផុត។ ចំនួនករណីឆ្លងអាចថយចុះក្នុងចំណោមមនុស្សវ័យក្មេង នៅពេលណាដែលពួកគេបានចាក់វ៉ាក់សាំងរួច។
តំបន់គ្រប់គ្រងដោយខ្លួនឯងរបស់អេស្ប៉ាញដែលមានប្រព័ន្ធសុខាភិបាលផ្ទាល់ខ្លួនបានចាប់ផ្តើមពន្លឿនផែនការចាក់វ៉ាក់សាំងដល់មនុស្សអាយុក្រោម៣០ឆ្នាំ និងដាក់គោលដៅចាក់នៅខែនេះ។ រដ្ឋាភិបាលនិយាយថា កម្មវិធីចាក់វ៉ាក់សាំងបានឈានដល់ល្បឿនមធ្យម ហើយស្ថិតលើផ្លូវឆ្ពោះទៅសម្រេចគោលដៅ៧០%នៃប្រជាជនរបស់ខ្លួននៅចុងរដូវក្តៅនេះ។
ប៉ុន្តែការប្រឹងប្រែងកំពុងត្រូវបានរារាំងដោយវីរុសបំប្លែងខ្លួនមកដល់ថ្មី និងការផ្ទុះឆ្លងនៅកោះ Mallorca ដែលហោចណាស់មនុស្ស១១៧៦នាក់បានឆ្លង និងត្រូវធ្វើចត្តាឡីស័ក៤៧៩៦នាក់ទូទាំងប្រទេស។
កាលពីថ្ងៃព្រហស្បតិ៍ សិស្ស១៧០នាក់បានធ្វើតេស្តអវិជ្ជមាន និងអនុញ្ញាតឲ្យត្រឡប់ទៅផ្ទះវិញ បន្ទាប់ពីត្រូវបានដាក់នៅដាច់ដោយឡែកនៅសណ្ឋាគារមួយលើកោះ Balearic ចាប់តាំងពីថ្ងៃសៅរ៍មុន។
ប្រធានសុខភាពអាសន្នអេស្ប៉ាញលោក Fernando Simón បាននិយាយកាលពីដើមសប្តាហ៍នេះថា ៖«តួលេខទាំងនោះពិតជាសំខាន់ណាស់ដែលទាមទារឲ្យមានការយកចិត្តទុកដាក់។ យើងត្រូវការធ្វើឲ្យប្រាកដច្បាស់ថា ក្រុមមនុស្សដែលមិនទាន់ចាក់វ៉ាក់សាំងស្ថិតនៅក្នុងហានិភ័យខ្ពស់ជាងគេ»។
លោក Rafael Bengoa សហប្រធានវិទ្យាស្ថានសុខភាព និងយុទ្ធសាស្ត្រនៅទីក្រុង Bilbao និងជាអតីតនាយកប្រព័ន្ធសុខភាពនៅអង្គការសុខភាពពិភពលោក (WHO) បាននិយាយថា ៖«យើងឈានដល់ការបើកសាលារៀន យុវជនត្រូវការទៅជប់លៀង វីរុសនៅតែបន្តមាន ហើយអ្នកមិនទាន់ចាក់វ៉ាក់សាំងអាយុ១៦ទៅ៣០ឆ្នាំ»៕
ប្រែសម្រួល៖ វីរបុត្រ
ប្រភព៖ Theguardian
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»