ព័ត៌មានអន្ដរជាតិ
ត្រូវតាមដាន! រោគសញ្ញាមួយ ធ្វើទុក្ខខ្លាំងបំផុតចំពោះ អ្នកឆ្លងវីរុសបំប្លែងខ្លួន Delta
ស្របពេលដែល វីរុសបំប្លែងខ្លួនឥណ្ឌា ឬ Delta កាន់តែវាយលុកខ្លាំងក្លានៅទូទាំងពិភពលោក រួមទាំងកម្ពុជា ផងដែរនោះ, ក្រុមអ្នកស្រាវជ្រាវនៅពីក្រោយកម្មវិធីសិក្សារោគសញ្ញាកូវីដ ZOE របស់ចក្រភពអង់គ្លេស បានបង្ហាញថា បច្ចុប្បន្ន វីរុសនេះកំពុងធ្វើសកម្មភាពខុសពីមុន។

រោគសញ្ញាចាស់នៃវីរុសកូវីដ-១៩ ដែលត្រូវបានគេរាយការណ៍ចាប់តាំងពីការផ្ទុះរោគរាតត្បាតដំបូងមកគឺមាន ការបាត់បង់ក្លិនឬរសជាតិ ក្អកជាប់ និងគ្រុនក្តៅ ប៉ុន្តែសាស្ត្រាចារ្យ Tim Spector សហស្ថាបនិកនៃ ZOE បាននិយាយថា ទិន្នន័យដែលប្រមូលបានក្នុងកម្មវិធីនេះចាប់តាំងពីដើមខែឧសភាមក បានបង្ហាញថា ឥឡូវ រោគសញ្ញាដូចរៀបរាប់ខាងលើគឺ មិនសូវកើតឡើងជាទូទៅនោះទេ។
យោងតាមទិន្នន័យដែលប្រមូលដោយ ZOE បានបង្ហាញ ការឈឺក្បាល ឈឺបំពង់កនិងហៀរសំបោរ ឥឡូវនេះ ត្រូវបានគេមើលឃើញថា ជារោគសញ្ញានៃវីរុស Delta ជំនួសឲ្យការក្អកនិងបាត់បង់ក្លិនឬរសជាតិ បើទោះបីជាអាការគ្រុនក្តៅនៅតែកើតមានក៏ដោយ។

យោងតាមសាស្រ្តាចារ្យ Spector បានអះអាងថា អាការឈឺក្បាលឥឡូវនេះ គឺជារោគសញ្ញាដែលត្រូវបានគេរាយការណ៍ ធ្វើទុក្ខខ្លាំងបំផុតក្នុងចំណោមអ្នកឆ្លងវីរុសបំប្លែងខ្លួន Delta បន្ទាប់មកគឺអាការ ឈឺបំពង់ក ហៀរសំបោរនិងក្តៅខ្លួន។
ទោះបីជាយ៉ាងណាក៏ដោយ អាការក្អកគឺកម្រណាស់ វាស្ថិតនៅលំដាប់ទី៥ក្នុងបញ្ជីរោគសញ្ញាដែលត្រូវបានគេរាយការណ៍ ហើយការបាត់បង់រសជាតិឬក្លិន មិនស្ថិតក្នុងចំណោមរោគសញ្ញាទាំង១០ ដែលគេកត់ត្រាក្នុងបញ្ជីនោះទេ៕
ប្រែសម្រួល៖ Vann Vann
ប្រភព៖ Sky
ចុចអាន៖ អង់គ្លេស សុំឲ្យប្រជាជន ៣.៦លាននាក់នៅក្នុងតំបន់ផ្ទុះវីរុសបំប្លែងខ្លួនឥណ្ឌាខ្លាំង កុំចេញទៅណា

-
សន្តិសុខសង្គម២ ថ្ងៃ ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
នយោបាយ៤ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៣ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ១ ថ្ងៃ ago
លោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានជាតិ៩ ម៉ោង ago
នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៤ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី
-
ព័ត៌មានជាតិ១ ថ្ងៃ ago
ថៃចាប់ផ្ដើមបិទច្រកព្រំដែនតំបន់បឹងត្រកួន នៅបន្ទាយមានជ័យ