Connect with us

ព័ត៌មានអន្ដរជាតិ

លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនា​បាល់ទាត់រវាង ថៃ និងកូរ៉េខាងត្បូង

បានផុស

នៅ

នាយករដ្ឋមន្ត្រីថៃលោក សេដ្ឋា ថាវីស៊ីន មិនបានអញ្ជើញទៅទីស្នាក់ការកណ្ដាលរបស់គណបក្សភឿថៃដើម្បីជួបជាមួយអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា នៅរសៀលនេះនោះទេ ដោយសារតែលោកជាប់បំពេញការងារជាច្រើនទៀត ។ នេះបើយោងតាមការចេញផ្សាយដោយសារព័ត៌មាន Thai PBS នៅថ្ងៃទី២៦ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ លោក សេដ្ឋា ថែមទាំងប្រាប់អ្នកសារព័ត៌មានទៀតថា លោកនឹងមិនជួបជាមួយលោក ថាក់ស៊ីន នោះទេ ហើយលោកនាយករដ្ឋមន្ត្រីនឹងអញ្ជើញទៅពហុកីឡដ្ឋានជាតិ Rajamangala ដើម្បីទស្សនាការប្រកួតបាល់ទាត់រវាងក្រុមជម្រើសជាតិថៃប្រកួតជាមួយកូរ៉េខាងត្បូងដែលនឹងចាប់ផ្ដើមការប្រកួតនាពេលវេលាម៉ោង ៧ និង ៣០ នាទីយប់នេះ ។

យោងតាមសេចក្ដីរាយការណ៍ពីកាសែតបាងកកប៉ុស្តិ៍កាលពីថ្ងៃទី២៥ ខែមីនាបានឲ្យដឹងថា លោក ថាក់ស៊ីន នឹងអញ្ជើញទៅទីស្នាក់ការកណ្ដាលរបស់គណបក្សភឿថៃនៅសង្កាត់ Huai Kwang ក្នុងទីក្រុងបាងកកនៅថ្ងៃអង្គារនេះ ដើម្បីជួបជាមួយសមាជិកតំណាងរាស្ត្ររបស់បក្ស ស្របពេលដែលបច្ចុប្បន្នកូនស្រីរបស់លោកគឺលោកស្រី ផេថងថាន ស៊ីណាវ៉ាត្រា ជាប្រធានបក្សស្រាប់ផង ។

ម្យ៉ាងទៀតក៏ដោយសារតែលោក សេដ្ឋា ធ្លាប់បានជួបជាមួយលោក ថាក់ស៊ីន ប្រមាណជា ២ ដងរួចមកហើយ​នៅ​ឯភូមិគ្រឹះ Chan Song La ក្នុងទីក្រុងបាងកក និងលំនៅដ្ឋាន​នៅខេត្ត​ឈៀងម៉ៃ ខណៈការអញ្ជើញទៅទីស្នាក់ការរបសបក្សរបស់អតីតនាយករដ្ឋមន្ត្រីវ័យ ៧៤ ឆ្នាំរូបនេះទៀតសោតក៏មិនជាប់ពាក់ព័ន្ធនឹងរឿងប្រជុំផ្ទៃក្នុងរបស់បក្សនោះដែរ ៕

ដោយ ៖ សុខ ជីវ័ន្ត

ចុចអាន ៖ លោក ថាក់ស៊ីន គ្រោងនឹងអញ្ជើញទៅស្នាក់ការបក្សភឿថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣០ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៤ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម