ព័ត៌មានអន្ដរជាតិ
វីរុសកាចសាហាវ Delta ឆ្លងរាលដាលទូទាំងប្រទេសថៃហើយ
កាលពីដើមសប្តាហ៍នេះ វីរុសបំប្លែងដែលរកឃើញដំបូងនៅប្រទេសឥណ្ឌា Delta វាយលុកខ្លាំងនៅតែក្នុងទីក្រុងបាំងកក ប៉ុន្តែនៅថ្ងៃអង្គារ៍អាជ្ញាធរសុខាភិបាលថៃព្រមានពីវីរុសដ៏កាចសាហាវនេះបានរាលដាលពេញប្រទេសហើយ។
ប្រទេសថៃកាលពីថ្ងៃអង្គារ៍ម្សិលមិញនេះមានករណីមរណភាពថ្មី៥៤នាក់ និងឆ្លងថ្មី ៦ ៥១៩នាក់ ដែលធ្វើឲ្យតួលេខស្លាប់សរុបឡើងដល់ ២ ៣៨៧ នាក់ និងឆ្លងសរុប ៣០១ ១៧២ នាក់។
មជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) បាននិយាយថា ទីក្រុងបាំងកកកាលពីថ្ងៃចន្ទបានក្លាយជាកន្លែងស្លាប់ និងឆ្លងថ្មីច្រើនជាងគេបំផុតគឺស្លាប់៣៣នាក់ និងឆ្លងថ្មី១៤៩២នាក់។
វីរុសក៏ត្រូវបានរកឃើញលើជនជាតិថៃ៨នាក់ដែលវិលត្រឡប់មកពីប្រទេសផ្សេងគឺ៣នាក់មកពីប្រទេសម៉ាឡេស៊ី និងមីយ៉ាន់ម៉ា ហើយម្នាក់ៗមកពីប្រទេសកម្ពុជា និងអេត្យពី។
ថៃបានរកឃើញករណីឆ្លងថ្មីជាង៥ពាន់នាក់ជារៀងរាល់ថ្ងៃចាប់តាំងពីដើមខែកក្កដាមក ខណៈករណីស្លាប់ថ្មីប្រហែល៥០នាក់រាល់ថ្ងៃ។ ករណីស្លាប់ច្រើនបំផុតគឺមានចំនួន៦១នាក់កាលពីថ្ងៃសុក្រសប្តាហ៍មុន។
អ្នកនាំពាក្យ CCSA លោក Taweesilp Visanuyothin បានបញ្ជាក់ពីការព្រមានរបស់ក្រសួងសុខាភិបាលអំពីគ្រោះថ្នាក់វីរុសបំប្លែងខ្លួន Delta ដែលរាលដាលស្ទើរគ្រប់កន្លែងទូទាំងប្រទេសហើយ បន្ទាប់ពីវាយប្រហារខ្លាំងនៅក្រុងបាំងកក។
រកឃើញដំបូងនៅប្រទេសឥណ្ឌា វីរុស Delta មានឥទ្ធិពលឆ្លងខ្លាំងជាងវីរុសកូវីដ-១៩ផ្សេងៗទៀត។
តាមទិន្នន័យរបស់ក្រសួងសុខាភិបាលបង្ហាញថា ចន្លោះថ្ងៃទី២៨ ខែមិថុនា និងទី២ ខែកក្កដា វីរុសនេះរកឃើញឆ្លងដល់ទី៥២%នៅទីក្រុងបាំងកក៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល