ទីក្រុង ឡុងដ៍ ត្រូវជន់លិច ដោយជំនន់ទឹកភ្លៀង (មានវីដេអូ)

ភ្លៀងធ្លាក់ខ្លាំង បានបង្កជាជំនន់ទឹកភ្លៀង នៅផ្នែកផ្សេងៗ នៃទីក្រុង ឡុងដ៍។

រថយន្ត ត្រូវបានទឹកលិចនៅតាមដងផ្លូវ ខណៈសេវារថភ្លើង ក៏ត្រូវបានផ្អាកផងដែរ។ 

រូបថតនៅលើបណ្តាញសង្គម បានបង្ហាញផ្នែកខ្លះនៃភាគនិរតីនៃទីក្រុងឡុងដ៍ រួមទាំងតំបន់ Barnes, Raynes Park និង Richmond ផងដែរ ត្រូវបានរងផលប៉ះពាល់ ដូចតំបន់នៅភាគខាងជើងទីក្រុងឡុងដ៍ដែរ រួមមាន Golders Green និង Highgate។

កងពលតូចអគ្គិភ័យក្រុងឡុងដ៍បានបង្ហោះ Twitter ថា ខ្លួនទទួលបានការហៅទូរស័ព្ទជាង ១៥០ ដង អំពីទឹកជំនន់នៅភាគនិរតីទីក្រុងឡុងដ៍។

ប៉ូលិស នៅភាគនិរតីទីក្រុងឡុងដ៍ បានណែនាំឲ្យអ្នកបើកបរ ចៀសវាងតំបន់ជុំវិញស្ថានីយ៍ Raynes Park ដោយសារតែទឹកជំនន់។ ពួកគេព្រមានថា “ផ្លូវថ្នល់ត្រូវបានជន់លិចហើយមានគ្រោះថ្នាក់ក្នុងការបើកបរ”។

ស្របពេលជាមួយគ្នានោះដែរ មនុស្សត្រូវបានជម្លៀសចេញពីអគារ បន្ទាប់ពីទឹកជំនន់ វាយប្រហារតំបន់ Colville Terrace, Holland Road និង Ladbroke Grove៕

វីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ភ្លៀងធ្លាក់ខ្លាំងជន់លិចទីក្រុង ញូវយ៉ក កន្លែងខ្លះទឹក មានកម្ពស់ត្រឹមចង្កេះ (មានវីដេអូ)