ព័ត៌មានអន្ដរជាតិ
រុស្ស៊ី ប្រាប់ទីតាំងដែលត្រូវទម្លាក់គ្រាប់បែកមុនគេ ពេលសង្គ្រាមលោកលើកទី៣ ផ្ទុះឡើង
បណ្តាញឃោសនារបស់វិមានក្រឹមឡាំងបានព្រមានថា ឡុងដ៍ នឹងក្លាយជាទីក្រុងដំបូងគេដែលត្រូវទម្លាក់គ្រាប់បែក ប្រសិនបើសង្គ្រាមលោកលើកទី៣ ផ្ទុះឡើង។
លោក Andrey Gurulyov អ្នកនយោបាយ ដែលជាសម្ព័ន្ធមិត្តជិតស្និទ្ធរបស់លោក វ្ល៉ាឌីមៀរ ពូទីន បានធ្វើការគំរាមកំហែងដល់ចក្រភពអង់គ្លេស នៅលើប៉ុស្តិ៍ទូរទស្សន៍រដ្ឋ Rossiya 1។
ការព្រមានខ្លាំងៗនេះ កើតឡើងចំពេលមានការភ័យខ្លាចជាថ្មីថា សង្រ្គាមអ៊ុយក្រែន នឹងរីកកាន់តែធំក្លាយទៅជាជម្លោះសកល ដោយសារសមាជិកណាតូគឺ លីទុយអានី បានរារាំងទំនិញជាប់ទណ្ឌកម្ម មិនឲ្យដឹកទៅមកតំបន់ Kaliningrad របស់រុស្ស៊ី។
លោក Gurulyov និយាយថា មធ្យោបាយតែមួយគត់ដើម្បីទប់ស្កាត់រុស្ស៊ី, ណាតូ នឹងប្រើមាត្រា៥ ហើយទំនងជាបង្កឲ្យមានសង្គ្រាមលោកលើកទី៣។
បុរសអាយុ ៥៤ ឆ្នាំដែលជាសមាជិកនៃគណៈកម្មាធិការការពារជាតិរបស់សភារុស្ស៊ីរូបនេះ និយាយថា “ទី១ យើងនឹងបំផ្លាញក្រុមទាំងមូលនៃផ្កាយរណបអវកាសរបស់សត្រូវ ក្នុងអំឡុងពេលប្រតិបត្តិការអាកាសលើកដំបូង។ មិនខ្វល់ថា ពួកគេជាអាមេរិក ឬអង់គ្លេសទេ យើងនឹងចាត់ទុកពួកគេទាំងអស់ជាអង្គការណាតូ”។
“ទីពីរ យើងនឹងកាត់បន្ថយប្រព័ន្ធការពារប្រឆាំងមីស៊ីលទាំងមូល គ្រប់ទីកន្លែង និង ១០០ ភាគរយ។ ទីបី យើងប្រាកដជាមិនចាប់ផ្តើមពីទីក្រុង វ៉ាសូវី, ប៉ារីស ឬ បែរឡាំង នោះទេ។ កន្លែងដំបូងគេដែលនឹងត្រូវវាយប្រហារ គឺទីក្រុងឡុងដ៍”។
ការគំរាមនេះបានកើតឡើង បន្ទាប់ពីឧត្តមសេនីយ៍ចូលនិវត្តន៍រុស្ស៊ីលោក Evgeny Buzhinsky ជំរុញឲ្យលោកប្រធានាធិបតី វ្ល៉ាឌីមៀរ ពូទីន បញ្ជូនអាវុធនុយក្លេអ៊ែរទៅកាន់តំបន់ Kaliningrad។
លោកបានប្រាប់ទូរទស្សន៍រដ្ឋរុស្ស៊ីថា បស្ចិមប្រទេសកំពុងលេងជាមួយភ្លើង បន្ទាប់ពីការដឹកជញ្ជូនធ្យូងថ្ម លោហធាតុ សម្ភារសំណង់ និងបច្ចេកវិទ្យាទំនើប ត្រូវបានរារាំងមិនឲ្យចូលទៅក្នុងទឹកដីរុស្ស៊ី តាមរយៈរដ្ឋជាសមាជិករបស់ណាតូគឺ ប្រទេសលីទុយអានី។
លោកនិយាយថា ការសម្រេចចិត្តរបស់ប្រទេសលីទុយអានី គឺជា “ការគំរាមកំហែង” ដល់សន្តិសុខជាតិរបស់រុស្ស៊ី៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ឧត្តមសេនីយ៍រុស្ស៊ី ជំរុញឲ្យលោក ពូទីន បញ្ជូនអាវុធនុយក្លេអ៊ែរទៅ Kaliningrad
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល