ព័ត៌មានអន្ដរជាតិ
ថៃយកព្រលានយន្តហោះមួយទៀតនៅបាំងកកធ្វើមន្ទីរពេទ្យកូវីដ
នៅថ្ងៃពុធ ទី២៨ ខែកក្កដា ម្សិលមិញនេះ អ្នកស្ម័គ្រចិត្តថៃបានរៀបចំឃ្លាំងព្រលានយន្តហោះ Don Muang ក្នុងទីក្រុងបាំងងធ្វើជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩កម្រិតស្រាលដែលអាចដាក់គ្រែបានចំនួន១៨០០ ដោយសារករណីឆ្លងរាតត្បាតកាន់តែខ្លាំងឡើងទូទាំងប្រទេស។
ប្រទេសអាស៊ានមួយនេះមានករណីឆ្លងកូវីដមួយថ្ងៃជាប់កំណត់ត្រាទៀតហើយពោលគឺ ១៦ ៥៣៣នាក់ និងស្លាប់១៣៣នាក់កាលពីថ្ងៃពុធ ដែលធ្វើឲ្យចំនួនឆ្លងសរុបឡើងដល់ ៥៤៣ ៣៦១នាក់ និងស្លាប់ ៤ ៣៩៧នាក់។
លោក Rienthong Nanna នាយកមន្ទីរពេទ្យ Mongkutwattana បាននិយាយថា ៖«នេះជាមន្ទីរពេទ្យកម្រិត១+ដែលអាចទទួលអ្នកកូវីដ-១៩កម្រិតស្រាលមួយចំនួនធំ។ ប៉ុន្តែប្រសិនបើ អ្នកជំងឺធ្ងន់ធ្ងរ នឹងបញ្ជូនទៅមន្ទីរពេទ្យ Pitak Rachan Field»។
លោក Rienthong មានប្រសាសន៍ថា មន្ទីរពេទ្យនេះមិនទាន់ដំណើរការនៅឡើយទេ និងត្រូវការរៀបចំបន្ថែមទៀត។ ចំនួនឆ្លងកូវីដនឹងបន្តកើនឡើង និងមន្ទីរពេទ្យនឹងកាន់តែត្រូវការច្រើនបន្ថែមទៀត។
លោក Rienthong និងអ្នកស្ម័គ្រចិត្តក៏បានរៀបចំពិធីតូចមួយដើម្បីអបអរក្នុងឱកាសព្រះរាជពិធីចម្រើនព្រះជន្មព្រះមហាក្សត្រ Maha Vajiralongkorn លើកទី៦៩នៅមន្ទីរពេទ្យឈ្មោះ Tai Rom Prabaramee។
ការរាលដាលឆ្លងដ៏អាក្រក់ទូទាំងប្រទេស ជាពិសេសនៅទីក្រុងបានកំពុងដាក់សម្ពាធដ៏ធ្ងន់ធ្ងរលើប្រព័ន្ធសុខាភិបាល ហើយរដ្ឋាភិបាលកំពុងប្រឈមនឹងការរិះគន់យ៉ាងខ្លាំងជុំវិញកម្មវិធីចាក់វ៉ាក់សាំងយឹតយាវ។
ប្រទេសថៃដាក់គោលដៅចាក់វ៉ាក់សាំងដល់ប្រជាជនឲ្យបាន៥០លាននាក់នៅបំណាច់ឆ្នាំនេះ ប៉ុន្តែរហូតដល់ពេលនេះទើបបាន៥.៦%នៃប្រជាជនរបស់ខ្លួនជាង៦៦លាននាក់បានចាក់បាន២ដូស និង១៩.២%ហោចណាស់ចាក់បាន១ដូស៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore