ព័ត៌មានអន្ដរជាតិ

លេខមុខនៅអារ៉ាប់រួម លោក Ghani ថា នឹងវិលទៅអាហ្វហ្គានីស្ថានវិញ

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

ពេលនេះប្រធានាធិបតីអាហ្វហ្គានីស្ថាន Ashraf Ghani ត្រូវបានគេឃើញលេចមុខនៅប្រទេសអារ៉ាប់រួម។ នេះបើតាមការឲ្យដឹងពីប្រទេសឈូងសមុទ្រ។

លោក Ghani បានចាកចេញពីប្រទេសអាហ្វហ្គានីស្ថាននៅពេលតាលីបង់បានចូលកាន់កាប់រដ្ឋធានីកាប៊ុលកាលពីចុងសប្តាហ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសអារ៉ាប់រួមបាននិយាយថា ប្រទេសបានស្វាគមន៍លោក Ghani និងក្រុមគ្រួសាររបស់លោកក្នុងមូលដ្ឋានមនុស្សធម៌។

ថ្លែងសុន្ទរកថាតាមរយៈវីដេអូមួយកាលពីថ្ងៃពុធ លោក Ghani បានបដិសេធពីការភៀសខ្លួន និងបានបញ្ជាក់ថា លោកបានចាកចេញដើម្បីការពារពីអ្វីដែលលោកបានចាត់ទុកថាជា«គ្រោះមហន្តរាយដ៏ធំ»។

«សម្រាប់ឥឡូវនេះ ខ្ញុំស្ថិតនៅអេមីរ៉ាត ដូច្នេះការបង្ហូរឈាម និងភាពវឹកវរត្រូវបានបញ្ឈប់»។ លោកបានប្រាប់ និងបន្ថែមថា «បច្ចុប្បន្ននេះ ខ្ញុំកំពុងស្ថិតក្នុងការចរចារវិលត្រឡប់ទៅអាហ្វហ្គានីស្ថានវិញ»។

លោក Ghani ក៏បញ្ជាក់ថា ពាក្យចចាមអារ៉ាមលើកឡើងថា លោកបានធ្វើដំណើរទៅអារ៉ាប់រួមជាមួយប្រាក់ដ៏ច្រើនសន្ធឹកសន្ធាប់គឺគ្មានមូលដ្ឋាន និងកុហកទាំងស្រុង។

បុរសវ័យ៧២ឆ្នាំបានទទួលរងការរិះគន់យ៉ាងចាស់ដៃពីអ្នកនយោបាយអាហ្វហ្គានីស្ថានចំពោះការចាកចេញពីប្រទេសនេះ។

លោក Abdullah Abdullah ប្រធានក្រុមប្រឹក្សាជាន់ខ្ពស់សម្រាប់ការផ្សះផ្សាជាតិមានប្រសាសន៍ថា ៖«ព្រះនឹងទទួលខុសត្រូវចំពោះលោក ហើយប្រទេសជាតិនឹងវិនិច្ឆ័យដែរ»។

លោក Ghani បានកាន់តំណែងប្រធានាធិបតីកាលពីឆ្នាំ២០១៤ និងបានជាប់ឆ្នោតសាជាថ្មីកាលពីខែកុម្ភៈ ឆ្នាំ២០២០៕

ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសអាហ្វហ្គានីស្ថាន Ashraf Ghani