ព័ត៌មានអន្ដរជាតិ
Breaking News! ព្រលានយន្តហោះ ក្រុងកាប៊ុល រងការបំផ្ទុះគ្រាប់បែកលើកទី ៣
ការផ្ទុះលើកទី ៣ បានបន្លឺឡើងនៅជិតអាកាសយានដ្ឋានអន្តរជាតិ Hamid Karzai របស់អាហ្វហ្គានីស្ថាន ពោលប៉ុន្មានម៉ោងបន្ទាប់ពីការផ្ទុះ ២ លើកបានឆក់យកជីវិតជនជាតិអាហ្វហ្គានីស្ថាន និងកងទ័ពអាមេរិករាប់សិបនាក់ ។
អ្នកសារព័ត៌មាននៅកន្លែងកើតហេតុក្នុងរដ្ឋធានីកាប៊ុលរបស់អាហ្វហ្គានីស្ថាន បានរាយការណ៍ថា ការវាយប្រហារនៅតែបន្តកើតមាន ហើយចំនួនអ្នកស្លាប់ ឬរបួសដែលទាក់ទងនឹងការផ្ទុះលើកទី ៣ នេះមិនទាន់ត្រូវបានបង្ហាញនៅឡើយទេ ។
ដោយដកស្រង់ប្រភពសារព័ត៌មាន al-Arabiya របស់អារ៉ាប៊ីសាអូឌីតបានរាយការណ៍ថា ការផ្ទុះឡើងថ្មីនេះបានកើតឡើងនៅតាមបណ្តោយព្រលានយន្តហោះ ខណៈកងកម្លាំងអាមេរិកបានធ្វើការបំផ្លាញឧបករណ៍បំផ្ទុះនៅផ្នែកខាងជើងនៃព្រលានយន្តហោះ មុនពេលចាកចេញពីរដ្ឋធានី ។
ការវាយប្រហារដ៏សាហាវនេះបានកើតឡើងតែប៉ុន្មានម៉ោងប៉ុណ្ណោះ បន្ទាប់ពីមន្រ្តីអង់គ្លេស និងអាមេរិកបានព្រមានពលរដ្ឋ និងសម្ព័ន្ធមិត្តរបស់ខ្លួនឲ្យនៅឆ្ងាយពីព្រលានយន្តហោះ ដោយសារមានរបាយការណ៍បង្ហាញថា “ការគំរាមកំហែងខ្ពស់នៃការវាយប្រហារភេរវកម្ម” កំពុងកើតមានឡើង ចំពេលមានការខិតខំប្រឹងប្រែងដកទ័ពនៅក្នុងប្រទេសដែលហែកហួរដោយសង្គ្រាម ។
ទន្ទឹមនោះប្រធានមេបញ្ជាការកណ្ដាល (CENTCOM) លោក Kenneth McKenzie បានបញ្ជាក់ក្នុងសន្និសីទខ្លីមួយកាលពីថ្ងៃព្រហស្បតិ៍ថា ទាហានអាមេរិកប្រមាណ ១៣ នាក់ត្រូវបានសម្លាប់ ហើយ ១៥ នាក់ផ្សេងទៀតបានរងរបួស នៅពេលដែលអ្នកបំផ្ទុះគ្រាប់បែកអត្តឃាត ២ នាក់បានវាយប្រហារអាកាសយានដ្ឋាន ។
ជាចុងក្រោយលោក McKenzie បានបញ្ជាក់ថា មន្រ្តីកំពុងធ្វើការដើម្បីកំណត់អត្តសញ្ញាណថា អ្នកណាជាអ្នកទទួលខុសត្រូវចំពោះការវាយប្រហារនេះ ដើម្បីតាមរកពួកគេ ខណៈការគំរាមកំហែងបន្ថែមទៀតនៅតែប្រឆាំងនឹងព្រលានយន្តហោះនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល