Connect with us

កីឡា

យុវជន​បាល់ទាត់ខ្មែរ​-បារាំង Loic Chan កំពុងផ្តោតលើការសិក្សានៅបារាំង

បានផុស

នៅ

កីឡាករ​យុវជន​ខ្មែរ-បារាំង Loic Chan កំពុង​ផ្តោត​លើ​ការ​សិក្សា​នៅ​សាកល​វិទ្យាល័យ​នៅ​ក្នុង​ប្រទេស​បារាំង បន្ទាប់​ពី​រូប​គេ​បាន​ចាក​ចេញ​ពី​ក្លិប​នៅ​ប្រទេស​អេស្ប៉ាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជន Loic Chan ​កូន​ប្រុស​របស់​លោក Maurice Chan ជន​ជាតិ​ខ្មែរ​​ដែល​ជា​​តារា​សម្តែង​វាយ​តប់​ហូលីវូដ​រយៈ​ពេល​ប្រមាណ​២​ឆ្នាំ​ចុង​ក្រោយ​ជា​​យុវជន​របស់​​ក្លិប​បាល់ទាត់​អេស្ប៉ាញ RCD Mallorca។ កាល​ពី​ខែ​សីហា​ ឆ្នាំ​២០២៣ រូប​គេ​បាន​ចូល​រួម​ធ្វើ​ក្នុង​ក្រុម​បាល់ទាត់​ជម្រើស​ជាតិ​កម្ពុជា​អាយុ​ក្រោម​២៣​ឆ្នាំ ប៉ុន្តែ​មិន​បាន​ធ្វើ​ដំណើរ​ទៅ​ប្រកួត AFF U23 Championship នៅ​ប្រទេស​ថៃ​ទេ។

ក្រោយ​ត្រឡប់​ទៅប្រទេស​បារាំង​វិញ រូប​គេ​បាន​ចាក​ចេញ​ពី​ក្លិប RCD Mallorca ដើម្បី​ទៅ​បន្ត​ការ​សិក្សា​នៅ​សាកល​វិទ្យាល័យ​ក្នុង​ប្រទេស​បារាំង។ លោក Maurice Chan ដែល​ជា​ឪពុក​កំពុង​ថត​ខ្សែ​ភាពយន្ត​ខ្លី​នៅ​ក្នុង​ប្រទេស​កម្ពុជា​បាន​ប្រាប់​សារព័ត៌មាន​«កម្ពុជា​ថ្មី»​ថា កូន​ប្រុស​របស់​លោក​បច្ចុប្បន្ន​នេះ​កំពុង​ផ្តោត​លើ​ការ​សិក្សា​នៅ​សាកល​វិទ្យាល័យ​ក្នុង​ប្រទេស​បារាំង។ ទន្ទឹម​ជា​មួយ​នឹង​ការ​សិក្សា Loic ក៏​ជា​សមាជិក​ក្រុម​បាល់ទាត់​មួយ​នៅ​ក្នុង​ស្រុក។ រូប​គេ​ក៏​ប្រឹង​​ប្រែងលើ​ការ​ហ្វឹក​ហាត់​បាល់ទាត់​ដែរ។

លោក Maurice បាន​ប្រាប់​ថា កូនប្រុស​របស់​លោក​កំពុង​រៀន​ផ្នែក​វិទ្យាសាស្ត្រ​កីឡា​នៅសាកល​វិទ្យាល័យ។ រូប​គេ​​កំពុង​ខិត​ខំ​ប្រឹង​ប្រែង​ទាំង​ការ​សិក្សា និង​ការ​ហ្វឹក​ហាត់​បាល់ទាត់។ ​គោល​ដៅ​ចម្បង​របស់​ Loic គឺ​ចាប់​យក​អាជីព​បាល់ទាត់​មែន​ទែន បន្ទាប់​ពី​បញ្ចប់​ការ​សិក្សា។

យុវជន​ខ្មែរ-បារាំង Loic Chan បាន​ចាប់​ផ្តើម​ហ្វឹក​ហាត់ និង​លេង​បាល់ទាត់​តាំង​ពី​​​អាយុ​៥​ឆ្នាំ។ រូប​គេ​បាន​លេង​ក្រុម​៣​ផ្សេង​គ្នា​នៅ​ប្រទេស​បារាំង​​គឺ​ Revel ​រយៈ​ពេល​៣​ឆ្នាំ ក្រុម Castelnaudary រយៈ​ពេល​៤ មុន​ពេល​​ផ្លាស់​ទៅ​លេង​ឲ្យ​ក្រុម​ Balma SC រយៈ​ពេល​២​ឆ្នាំ​កន្លះ និង​យុវជន​​អាយុ​ក្រោម​១៨​ឆ្នាំ​របស់​ក្រុម RCD Mallorca នៅ​ប្រទេស​អេស្ប៉ាញ។ រូប​គេ​ធ្លាប់​បាន​មក​​ប្រទេស​កម្ពុជា​២​ដង​ហើយ ហើយ​ក៏​ចង់​លេង​តំណាង​ឲ្យ​ជម្រើស​ជាតិ​កម្ពុជា​យ៉ាង​ខ្លាំង៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៧ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម