ព័ត៌មានអន្ដរជាតិ
រដ្ឋាភិបាលក្រុងកាប៊ុលអនុញ្ញាតឲ្យស្ត្រីធ្វើការបានគឺលាងសម្អាតបន្ទប់ទឹក
បុគ្គលិកស្ត្រីនៅរដ្ឋាភិបាលរដ្ឋធានីកាប៊ុលត្រូវបានគេប្រាប់ឲ្យនៅផ្ទះ និងការងាររបស់ស្ត្រីដែលបុរសមិនអាចធ្វើបានទើបអនុញ្ញាតឲ្យស្ត្រីទៅធ្វើការ។ នេះជាវិធានការរឹតបន្តឹងថ្មីបំផុតត្រូវបានដាក់ចេញដោយរដ្ឋាភិបាលតាលីបង់នៅប្រទេសអាហ្វហ្គានីស្ថាន។
យោងតាមសេចក្តីប្រកាសថា បទបញ្ជាត្រូវបានប្រកាសដោយអភិបាលស្តីទីក្រុងកាប៊ុលលោក Hamdullah Nohmani កាលពីថ្ងៃអាទិត្យម្សិលមិញដែលមានន័យថា ស្ត្រីត្រូវបានហាមធ្វើការក្នុងរដ្ឋាភិបាល។ ការងារមួយដែលស្ត្រីអាចទៅធ្វើបានសម្រាប់រដ្ឋាភិបាលក្រុងកាប៊ុលគឺលាងសម្អាតបន្ទប់ទឹកស្ត្រី។
បទបញ្ជាបែបនេះបានធ្វើឲ្យស្ត្រីភេទរាប់រយនាក់បានចាកចេញពីការងារ។ លោក Nohmani បាននិយាយថា មនុស្ស២៩៣០នាក់កំពុងធ្វើការនៅរដ្ឋាភិបាលក្រុងកាប៊ុល ក្នុងនោះមាន២៧%ជាស្ត្រីភេទ។
សេចក្តីភ័យខ្លាចំពុងកើនឡើងសម្រាប់ស្ត្រី និងក្មេងស្រីនៅអាហ្វហ្គានីស្ថាន បន្ទាប់ពីតាលីបង់បានកាន់កាប់ប្រទេសកាលពីខែមុន។ ទោះជាមានការធានាម្តងហើយម្តងទៀតចំពោះការគោរពសិទ្ធិស្ត្រី ក៏បទបញ្ជាលើបុគ្គលិកស្ត្រីនៅរដ្ឋាភិបាលគឺជាសញ្ញាថ្មីបំផុតដែលសេរីភាពរយៈពេល២០ឆ្នាំចុងក្រោយនេះកំពុងឈានដល់ទីបញ្ចប់។
ចាប់តាំងពីតាលីបង់កាន់កាប់អំណាចមក ស្ត្រីភេទត្រូវបានគេប្រាប់ឲ្យចាកចេញពីកន្លែងការងារ។ ការរឹតបន្តឹងលើការសិក្សារបស់ក្មេងស្រី និងស្ត្រីត្រូវបានដាក់ចេញ ហើយស្ត្រីត្រូវបានគេដកចេញទាំងស្រុងពីរដ្ឋាភិបាលថ្មីរបស់តាលីបង់។
លោក Nohmani បាននិយាយថា ៖«ពីដំបូងយើងអនុញ្ញាតឲ្យពួកគេទាំងអស់មានវត្តមាននៅក្នុងតួនាទីរបស់ពួកគេតាមម៉ោងធ្វើការ ប៉ុន្តែបន្ទាប់ពីអ៉ីស្លាមអេមីរ៉ាត (ប្រទេសអាហ្វហ្គានីស្ថានដែលតាលីបង់ប្រកាសជា អ៉ីស្លាមអេមីរ៉ាត)បានសម្រេចថា វាចាំបាច់ដែលពេលខ្លះការងាររបស់ពួកគេត្រូវតែបញ្ឈប់»។
«ដូច្នេះយើងអនុញ្ញាតឲ្យតែស្ត្រីណាដែលយើងត្រូវការប៉ុណ្ណោះ។ ខ្ញុំចង់សំដៅទៅការងារដែលបុរសមិនអាចធ្វើបាន ឬមិនមែនជាការងាររបស់បុរសធ្វើ។ ឧទាហរណ៍ដូចជា បន្ទប់ទឹកស្ត្រីសាធារណៈនៅតាមផ្សារជាដើម»៕
ប្រែសម្រួល៖ វីរបុត្រ
ប្រភព៖ CNN
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម