ព័ត៌មានអន្ដរជាតិ
ស្លាប់កើនដល់ ១៩នាក់ ដោយសារព្យុះ Kompasu នៅ ហ្វីលីពីន
ចំនួនអ្នកស្លាប់ដោយសារព្យុះត្រូពិកដ៏ខ្លាំងក្លាឈ្មោះ Kompasu នៅប្រទេស ហ្វីលីពីន បានកើនឡើងដល់ ១៩ នាក់ហើយ ខណៈមនុស្ស ១៣ នាក់នៅតែបាត់ខ្លួន។
ក្រុមប្រឹក្សាកាត់បន្ថយនិងគ្រប់គ្រងគ្រោះមហន្តរាយជាតិ បាននិយាយថា ចំនួនអ្នកស្លាប់អាចកើនឡើងដល់ ៣០ នាក់ ខណៈខ្លួនកំពុងផ្ទៀងផ្ទាត់របាយការណ៍អំពីការស្លាប់មនុស្ស ១១ នាក់ផ្សេងទៀតនិងម្នាក់ទៀតបាត់ខ្លួន ដោយសារការរអិលបាក់ដីនិងទឹកជំនន់ នៅតំបន់ភាគខាងជើងប្រទេសហ្វីលីពីននិងខេត្ត Palawan។
ព្យុះត្រូពិកនេះ បានបង្កឲ្យមានទឹកជំនន់និងការបាក់ដី។ មនុស្សជិត ២,០០០ នាក់ត្រូវបានជម្លៀសទៅកាន់ទីទួលសុវត្ថិភាព។
តំបន់ភាគខាងជើងប្រទេសហ្វីលីពីន ជាកន្លែងរងការវាយប្រហារធ្ងន់ធ្ងរបំផុត។ ការខូចខាតផ្នែកកសិកម្ម ត្រូវបានប៉ាន់ប្រមាណថាស្មើនឹងទំហំទឹកប្រាក់ ៩.៧ លានដុល្លារអាមេរិក។
គួរបញ្ជាក់ថា Kompasu គឺជាព្យុះត្រូពិកទី ១៣ ដែលវាយប្រហារប្រទេសហ្វីលីពីន ក្នុងឆ្នាំនេះ។
ព្យុះទីហ្វុងនិងព្យុះត្រូពិក តែងតែវាយប្រហារប្រជុំកោះហ្វីលីពីន ដែលស្ថិតលើខ្សែក្រវ៉ាត់ព្យុះទីហ្វុង នៅប៉ែកខាងលិចមហាសមុទ្រប៉ាស៊ីហ្វិក ដោយឆក់យកជីវិតមនុស្សរាប់រយនាក់និងបង្កការខូចខាតរាប់ពាន់លានដុល្លារ។
មានព្យុះទីហ្វុងប្រហែល ២០ បានចូលប្រទេសហ្វីលីពីនជារៀងរាល់ឆ្នាំ។ ក្នុងចំណោមកោះទាំងអស់របស់ហ្វីលីពីន គឺកោះ Luzon និងកោះ Visayas រងគ្រោះញឹកញាប់ជាងគេ៕
ប្រែសម្រួល៖ Vann Vann
ប្រភព៖ Xinhua
ចុចអាន៖ ស្លាប់និងបាត់ខ្លួនមនុស្ស ២០នាក់ ដោយសារព្យុះស៊ីក្លូន Kompasu នៅ ហ្វីលីពីន
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
ព័ត៌មានអន្ដរជាតិ២៤ ម៉ោង ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត