ព័ត៌មានអន្ដរជាតិ

ពិតជាអស្ចារ្យ រកឃើញអ្នកទី ២ ជាសះស្បើយពី ជំងឺអេដស៍ ដោយខ្លួនឯង

បានផុស

៣ years មុន

នៅ

ថ្ងៃពុធ ១៧ វិច្ឆិកា ២០២១

ដោយ

សារព័ត៌មាន CNN Health បានរាយការណ៍ថា ស្ត្រីម្នាក់មកពីប្រទេសអាហ្សង់ទីនត្រូវបានគេជឿថា ជាមនុស្សទីពីរហើយដែលរាងកាយរបស់នាងបានកម្ចាត់ភាពស៊ាំនៃជំងឺអេដស៍ (HIV) ដែលឆ្លងតាមការរួមភេទ និងបានជាសះស្បើយដោយធម្មជាតិគ្មានការព្យាបាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការសិក្សាថ្មីមួយដែលត្រូវបានបោះពុម្ពនៅក្នុងទស្សនាវដ្ដី Annals of Internal Medicine បានឲ្យដឹងថា ស្ត្រីអាយុ ៣០ ឆ្នាំរូបនេះមិនបានបង្ហាញសញ្ញានៃមេរោគអេដស៍ឡើយ ពោលរយៈពេល ៨ ឆ្នាំ បន្ទាប់ពីការធ្វើរោគវិនិច្ឆ័យដំបូងរបស់នាង ទោះបីជាមិនបានទទួលការព្យាបាលកោសិកា Stem Cell ឬការព្យាបាលទៀងទាត់ផ្សេងទៀតក៏ដោយ ។

ចំណែកអ្នកជំងឺដំបូងគេដែលត្រូវបានគេរកឃើញថាបានជាសះស្បើយពីមេរោគអេដស៍តាមបែបធម្មជាតិគឺជាស្ត្រីអាយុ ៦៧ ឆ្នាំឈ្មោះ Loreen Willenberg នេះ ។

លោកស្រី Xu Yu មកពីវិទ្យាស្ថាន Ragon នៃមន្ទីរពេទ្យ Massachusetts General Hospital, MIT និង Harvard និងសហការីរបស់នាងនៅក្នុងប្រទេសអាហ្សង់ទីនបាននិយាយថា ស្ត្រីរូបនេះមិនបានប្រើថ្នាំប្រឆាំងនឹងមេរោគនោះទេរហូតដល់ឆ្នាំ ២០១៩ នៅពេលដែលនាងមានផ្ទៃពោះ ។

ទោះយ៉ាងណាក៏ដោយ បន្ទាប់ពីនាងសម្រាលបានទារកដែលមានសុខភាពល្អ នាងមិនធ្វើតេស្តរកមេរោគអេដស៍នោះទេ ហើយចាប់ពីពេលនោះមក នាងក៏បានឈប់ព្យាបាលមេរោគអេដស៍តែម្ដង ខណៈបច្ចុប្បន្នវាមិនច្បាស់ទេថាតើរាងកាយរបស់ស្ត្រីរូបនេះ អាចកម្ចាត់មេរោគអេដស៍ដោយរបៀបណានោះ ៕