Connect with us

ព័ត៌មានអន្ដរជាតិ

ស្រែកច្រៀងបទតុងខ្ពស់ពេក បុរស ចិន ម្នាក់ ប៉ះពាល់សួតធ្ងន់ធ្ងរ បញ្ជូនទៅសង្គ្រោះបន្ទាន់ភ្លាមៗ

បានផុស

នៅ

បុរសជនជាតិចិនអាយុ ២៥ ឆ្នាំម្នាក់ ត្រូវបានបញ្ជូនទៅ បន្ទប់សង្គ្រោះបន្ទាន់ភ្លាមៗ ក្រោយច្រៀងខារ៉ាអូខេប្រើតុងសម្លេងខ្ពស់ពេក ក្នុងកម្មវិធីខួបកំណើតមិត្តភ័ក្ដិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធ​ផ្សព្វផ្សាយ​ចិន​បាន​រាយការណ៍ ​ករណី​ចម្លែក​មួយ​ ​របស់​យុវជន​ម្នាក់​មក​ពី​ទីក្រុង Changsha នៅ​ ខេត្តហ៊ូណាន ប្រទេស​ចិន បានរងរបួស​ធ្ងន់ធ្ងរ​ដល់​សួត ដោយសារ​តែ​ព្យាយាម​លើក​សំឡេង​ ពេល​ច្រៀង​ខារ៉ាអូខេ​ក្នុង​ពិធី​ជប់លៀង។

សេចក្ដី​រាយការណ៍​ព័ត៌មាន ​បាន​បញ្ជាក់​ដូច្នេះ​ បុរស​ឈ្មោះ Wang Ze បាន​ចូល​រួម​ពិធី​ជប់លៀង​មួយ​ ដើម្បី​អបអរ​ថ្ងៃ​ខួប​កំណើត​របស់​មិត្ត​ភក្តិ​ និងព្យាយាមបង្ហាញជំនាញច្រៀងរបស់គាត់ ដោយ​ច្រៀងបទ Guifei Drunken ដែល​ជា​បទ​ចម្រៀង​ ​គេ​ស្គាល់​ថា ​ប្រើ​តុងសំឡេង​ខ្ពស់។

ខណៈពេលដែលគាត់កំពុង​ច្រៀង​ បទដូចដែល​បានរៀបរាប់ខាងលើ គាត់​មាន​អារម្មណ៍​ឈឺ​ចុក​ចាប់​ក្នុង​ទ្រូង ​ដែល​ជំរុញ​​ឲ្យ​គាត់​ឈប់​ភ្លាមៗ។ ដំបូងឡើយ គាត់នៅ តែអាចស៊ូទ្រាំ​នឹង​ការ​ឈឺចាប់​បាន។ ប៉ុន្តែ​នៅ​ ថ្ងៃបន្ទាប់ ​គាត់​មាន​អារម្មណ៍​ថប់​ដង្ហើម​យ៉ាង​ខ្លាំង ​រហូត​ក្រុម​គ្រួសារ​បាន​បញ្ជូន​គាត់​ទៅ​ កាន់​មន្ទីរពេទ្យ​កណ្ដាល Changsha ។

បន្ទាប់​ពី​ត្រូវ​បាន​បញ្ជូន​ទៅ​ ថតកាំរស្មីអ៊ិច បុរស​រូបនោះ ​ត្រូវបានគេរក​ឃើញ​ថា​មាន pleural effusion ។ ម្យ៉ាង​ទៀត ពពុះ​ខ្យល់​ធំៗ​បង្កើត​ឡើង​រវាង​សួត និង​ប្រហោង​ទ្រូង។ ដែល​អាច​បង្កការ​គំរាមកំហែង​ដល់​អាយុជីវិត។

​វេជ្ជបណ្ឌិត​ព្យាបាល​ពន្យល់ ពេល​គាត់​ច្របាច់​សួត​ ដើម្បី​ច្រៀង​បទ​ចម្រៀងប្រើតុង​ខ្ពស់​។ គាត់​បាន​ប្រើ​កម្លាំង​ខ្លាំង​ពេក​ ដើម្បី​ធ្វើ​​ឲ្យ​ថង់​ខ្យល់​ក្នុង​សួត​ខាង​ស្ដាំ​ផ្ទុះ​ និង​បង្កើត​ជា​បំពង់ធំ​ជាង ១សង់ទីម៉ែត្រ​ នៅ​ ក្នុង​ប្រហោង​ទ្រូង ប្រសិទ្ធភាព​នៃ​មុខងារ​សួត ​ត្រូវ​បាន​កាត់បន្ថយមក​ត្រឹម១ ៥ ភាគរយ​ នៃ​មុខងារធម្មតា។

Wang Ze ត្រូវ​ទទួល​ការ​វះកាត់ ​ដើម្បី​យក​ចន្លោះ​ខ្យល់​ខុស​ប្រក្រតី​នៅ​ ក្នុង​ទ្រូង​របស់​គាត់​ចេញ។ ដែល​ការវះកាត់​បានជោគជ័យ ។ បច្ចុប្បន្ន​ គាត់ អាច​ត្រឡប់​ទៅ​ សម្រាក​ព្យាបាល​នៅ ​ផ្ទះ​វិញ​ហើយ៕

ប្រែសម្រួល៖ សាង ស្រីល័ក្ខ

ប្រភព៖Sanook

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម